G-RTV.com (Dili): Saudozu Max Stahl ne’ebé hakotu-íss iha Austrália iha loron 28 Outubru 2021 no ohin família lori de’it nia sinzas mai Timor Leste (TL).
Ho Aviaun Qantas, saudozu nia sinzas to’o iha Aeropotu Internasionál Nicolao Lobato iha óras 11: 38 no simu ho parade militar no kulturál hafoin família entrega bá líder nasionál José Ramos-Horta no Kay Rala Xanan Gusmã, kontinua entrega bá estadu liu husi Ministru Prezidensiál Konsellu Ministru, Fidelis Magalhães.
Akompaña sinzas saudozu Max nian husi Australia mai Timor Leste mak hanesan espoza saudozu nian, oan no família balun .
Tuir observasaun G-RTV.com iha terrenu nota katak, instituisaun públiku no privadu, organizasaun rezisténsia, sosiedade, no seguransa sira hakonu iha aeroportu hodi simu saudozu ne’ebé halo istória bo’ot bá nasaun Timor Leste liu-liu iha akontesimentu masakre Santa Krúz, 12/11/1991 tambá ho nia filmázem konsege loke mundu nia matan bá luta Timor Leste nian.
Hafoin simu iha Aeroportu, sei halo transladasaun ho rute ne’ebé difini ona husi komissaun organizadóra no sei bá rai iha Centro Audovisual Max Stahl Timor Leste (CAMSTL) to’o hakoi iha loron 17 fulan ida ne’e.
Jornalista : Arménio & Julio Paixao.
Editór : Ekipa G-RTV.com
