banner 728x90

La Liu Husi Selesaun, CSP Realiza Formasaun Ba Membru Sira

Formandu CSP-PNTL iha formatura abertura // Foto : Domingos Moreira
banner 120x600

G-RTV.com (Dili) : Polísia Nasionál Timor Leste (PNTL) liu husi Unidade Espesiál Polísia  (UEP) hala’o formasaun kursu II tornu 2022 bá Membru Kompañia Korpu Seguransa Pessoál (CSP-Sigla Português), iha Komandu UEP, Bairro Pite (Dili), 25/01/2022.

Tuir Komadante Kompañia CSP, Inspetór Xefe Polísia Marcos Soares Lopes, afirma realizasaun kursu ida ne’e tambá ‘’Durante ne’e membru PNTL mai iha CSP hodi fo seguransa ba pasoál alta entidade la liu husi selesaun, maibé tambá nomesaun direta husi alta entidade sira, nune’e ho formasaun ne’e bele hasa’e koñesimentu, abilidade tékniku no fíziku hodi hala’o servisu iha terrenu ho profesionál’’ Afirma komadante ne’e liu husi diskursu serimónia abertura nian.

banner 325x300

Nia relata tan, partisipante iha kursu segundu tornu ida ne’e mai husi membru hamutuk na’in 24, kompostu husi mane 22 no feto na’in rua durante fulan ida ho instructor mai husi Unidade UEP nian.

Atuál Komadante Unidade UEP-PNTL ne’ebé partisipa iha  serimónia abertura refere, azíze ba formadu sira atu hatudu disiplina no pasénsia ho matenek hodi tuir kursu ida ne’e, nune’e bele iha kualifikasaun di’ák iha servisu terrenu.

Entretantu, membru CSP ativu hamutuk  265 ne’ebé koloka ona bá alta entiade hanesan orgaun soberanu 4, eis-titulares, membru guvernu, instituisaun públiku balun,embaixada Amérika ho kolokasaun membru husi ema na’in 3 bá leten konforme volume ameansa.

UEP-CSP moos preparadu ona atu atende tempu kampaña bá kandidatu prezidente ne’ebé sei konkorre iha Eleisaun Prezidensiál Tinan ne’e.

Jornalista : Arménio

Editór : Ekipa G-RTV.com

relavante