G-RTV.com (Dili) : Moras malaria Dengue kontinua-ás iha munisípiu Dili, ho pasiente rezistradu, loron-loron hamutuk 20 resin no hamate ona labarik balun, ho idade menus 17, iha Timor Leste.
Moras Dengue, aumenta sai grave ba bebeik iha inísiu 2022 nune’e Ospitál Nasionál Guido Valadares (HNGV) Dili, espasu la permite ona atu pasiente moras dengue ne’ebé domina ho idade menus 17 hodi baixa.
Atu solusiona fatin ba baixa, guvernu deside, tranfere balun ba opitál Vera-Cruz no sei kontinua utiliza karantina iha Tasi-Tolu ba baixa pasiente moras Dengue.
Nune’e, autoriedade lokál husi Suku Kampung-Alor (Dili), Aldeia 01 Rai Lakan, Estela Aleixo, lamenta ho situasaun ida ne’e tambá konsidera Guvernu la sériu atu halo prevensaun.
‘’ Kazu Dengue ne’e sa’e maka’as, liu-liu iha postu, D. Alexo, Guvernu la preokupa, kompara ho moras Covid-19, maibé realidade saida mak akontese, mate barak ona mak foin nakdedar halo prevensaun’’ espressaun lamentasaun husi Xefe aldeia ne’e.
Nia moos ezizé bá komunidade Aldeia 01 Rai-Lakan atu hamoos uma-laran inklui valeta sira ne’ebé iha uma oin nune’e bele prevene moras Dengue.
Situasaun Iha sala emerjénsia, HNGV, Janeiru 2022 // Foto : Jhimy Pires (TP)
Fontes ne’e rekomenda moos ba guvernu atu halo prevensaun sériu, labele preokupa mak moras Covid-19 maibé fo inportánsia moos bá prevensaun moras Dengue.
Entretantu, kompara ho prevensaun bá pesti Covid-19, konsidera guvernu tane-ás prevensaun Covid-19 tamba tuir observasaun, iha inisíu tinan 2020, bainhira kazu ne’ebé detetadu foin ida, guvernu limita kedas movimentu populasaun nian liu husi estadu emerjénsia no kontinua ho serka sanitaria to’o hakotu iha tinan 2021.
Jornalista : Arménio.
Editór : Ekipa G-RTV.com
