banner 728x250

Lautém Prontu Ona Hasoru Eleisaun Prezidensiál 2022, Sentru Votasaun hamutuk 80

Administradór Lautém // Foto : Ekipa G-RTV.com
banner 120x600

Jornalísta : Arménio //

G-RTV.com (Dili) : Hela de’it ona Semana ida atu tama ba kampaña eleitorál husi kandidatu Prezidente Repúblika períodu 2022-2027 hamutuk ema na’in 16.

banner 325x300

Relasiona ho ida ne’e, munisípiu Lautém liu husi Administradór Munisípiu deklara prontu ona tambá antes ne’e halo ona diálogu inklui líder arte marsiais.

‘’Atu hasoru eleisaun prezidensiál, autoriedade halo ona identifikasaun, formasaun fiskais, diálogu líder komunitáriu, partidu inklui líder arte marsiais,nune’e aban sei halo serimónia arte ritual hodi fo sussesu ba eleisaun prezidensiál’’. Deklara Administradór Munisípiu Lautém, Domingos Sávio Bainhira partisipa iha serimónia ne’ebé organiza husi ERA-AFI iha Salaun Dom Bosco (Dili), Segunda ne’e, 21/02/2022.

Nia reforsa tan, Tuir identifikasaun sentru votasaunmutuk 80 ho nia estasaun votu hamutuk 90 inklui rua ne’ebé sei realiza iha uma-tali okos.

’Sentru votasaun hamutuk 80 , estasaun 90, maibé iha rua mak halo de’it uma-tali provizóriu iha parte Luro no Lospalos Villa ho razaun Estrada no fatin’’, Reforsa Nia.

Konabá seguransa, Postu-Administrasaun Iliomar-oan ne’e, dehan, garantidu tambá Lautém-oan iha kultura ne’ebé forte.

‘’Seguransa garantidu tambá Lautém mai ho kultura fetosa no umane ne’ebé forte, veteranu sira mós forte, ha’u fiar katak la iha problema, tambá ne’e la presija halo juramentu nune’e la’o tuir kultura no lasu amizade entre família tuir lisan nian’’, Dehan Sávio.

Fontes ne’e fo mensájem katak Timor Leste hanesan nasaun demokrasia, iha multipartidaria, ho direitu ema idak-idak nian atu hili, ne’e la singnifika ita iha problema, fiar katak iha lautém sei la iha problema, ne’ebé hakmatek hodi hala’o servisu bá, tenik nia.

Entretantu, Kandidatu ne’ebé sei hahu uluk nia kampaña eleitorál iha munisípiu Lautém, tuir informasaun ne’ebé G-RTV.com assesu, possibilidade sei hahu ho kandidatu númeru sorteiu 14, José Ramos-Horta.

Data ba períodu kampaña sei hahu husi loron 2 to’o 16 fulan Marsu 2022 no kontinua iha loron 19 Marsu tinan ne’e sei halo votasaun bá Prezidente Repúblika foun. (Remata).

banner 325x300

relavante