banner 728x250

Atualidade : JRH Domina Iha Parte Oeste, Ekipa Sussesu Lú-Olo Lamenta

Koordenador Ekipa Sussesu // Foto : Ekipa G-RTV.com
banner 120x600

Jornalísta : Arménio //

G-RTV.com (Bobonaro) : Koordenadór ekipa sussesu husi kandidatu ho númeru 6, Fernando Gusmão rekoñese katak to’o loraik (18:00Pm), kandidatu Francisco Guterres lú-Olo provizoriamente lidera hela iha Ponta Leste no kandidatu José Ramos-Horta domina iha parte Oeste.

banner 325x300

‘’Husi rezultadu provizóriu ne’ebé mak mosu to’o ohin, kandidatu númeru 6, Francisco Guterres Lú-Olo, iha momentu ida ne’e lidera hela pozisaun iha ponta leste (Lautém, Baucau, Viqueque), no zona parte Oeste nian hadau malu ho kandidatu númeru 14, Jose Ramos-Horta inklui Lere ho númeru sorteiu 8 ‘’, Dehan Koordenadór Nasionál Ekipa Sussesu, kandidatu Lú-Olo, iha postu administrativu Balibo (Bobonaro), 19/03/2022.

Fontes ne’e afirma mós, kandidatu Lú-Olo sei metin no avansa ba segunda volta tambá iha tendénsia bo’ot.

‘’Kandidatu ami nian sei metin no avansa ba segundu ronde, se ita hare husi persentájem ponta leste nune’e iha tendensia halai ba segundu volta’’, Afirma Nia.

Konabá akontesimentu ne’ebé akontese iha sentru votasaun balun iha munisípiu Dili ne’ebé lori votante kuaze 1000 resin la konsege vota iha loron votasaun ohin nian, koordenadór ne’e lamenta.

‘’Tambá informasaun ladun to’o iha sidadaun, menus sosializasaun husi STAE, nune’e ekipa lamenta bá situasaun husi sentru paralelu iha Dili, tambá ami bele hateten katak sidadaun ne’ebé la vota iha Dili, maioria mai husi apoiante númeru 6’’, espressa lamentasaun husi polítiku no akademista ne’e.

Nune’e, hare husi akontesimentu ne’e, fontes ne’e enkoraja STAE no CNE atu aprende husi fallansu sira nune’e bele halo di’ák liu tan ba futuru.

Nia mós elojia povu Timor Leste tambá to’o loraik ne’e seidauk iha informasaun ruma ne’ebé violentu relasiona ho festa demokrasia ohin nian. (REMATA).

banner 325x300

relavante