Jornalísta : Amar Belo //
G-RTV.Com (Dili) : Secretário de Estado para Formação Professional e Empregu (SEFOPE) Liu Husi Diresaun Nasional Empregu Exterior Kontinua Assina Akordu Ho Família Traballadór Hamutuk Na’in 87 Atu Ba Serbisu Iha Korea Súl.
Iha Assina akordu ne’e, primeiru ministru ne’ebé partisipa direta eventu ne’e enkoraza traballadór sira atu tuir regra no disiplina iha Korea.
“ Iha liafuan ida hateten, sei ita hakarak lori Timor ba oin, ita hahu muda uluk ita nia hanoin, sei ita lamuda ita nia aan nee signifika ita la muda timor no desiplina nee importante wainhira imi sama iha korea muda imnia nia aan hanesan ema koreano hodi halo tuir disiplina no regras sira iha korea.” hateten Primeiru Ministru Atuál Taur Matan Ruak ba jornalísta sira iha salaun Ótel Timor Lodge, Comoro, Sesta-Feira ohin, 06/05/2022.
Iha tempu hanesan, embaixadór Korea Súl mai Timor Leste, Kim Jeongho afirma,“ Ita bo’ot sira bá serbisu iha Korea la’ós serbisu ne’ebé mak ita bo’ot sira sente moe, tambá ita bo’ot sira atu ba korea ne’e atinji ita bo’ot sira nia mehi maibé la’ós atu ba serbisu deit. Ha’u fiar katak iha korea ita boot sira senti hanesan ema korea no tenki halo tuir regra ka regulamentu nebe aplika iha korea ninian.hau senti imi nia vida komfortabel teb-tebe, ” enkoraza nia.
“ Maibé ha’u sente triste ituan tambá tuir dadus agora dadauk kuaze traballadór atus ualu resin mak komete irregularidade iha Korea, entre nasaun 16 ne’ebé haruka traballdór ba Korea no Timor Leste tama iha númeru daruak komete irregularidade barak liu maibé karik imi serbisu tuir regra mak sente iha violasaun iha imi nia kontratu laborál labele haluha halo adidu ba embaixada Timor Leste iha Korea no bele kontaktu mai embaixada Korea iha Timor Leste prontu ajuda imi no labele rai mesak iha imi nia laran” tenik Diplomata ne’e.
Tuir dadus traballador Timor-oan ne’ebé servisu iha korea husi tinan 2009 too 2022 hamutuk ema na’in 4404 kompostu iha área peska hamutuk 2618, iha area fábrika, mane 1596, feto 64 nomos iha area agrikultura, mane 53, feto 73 no traballadór ne’ebé fila ona mai Timor, mane iha 903, feto 59, traballadór nebe sei ezíste iha Korea, mane 3417, feto 14 no lakon vida iha Korea mane 11 no feto 0.
(REMATA).
