banner 728x90

Guvernu Realiza Missa Agradesimentu, Arcebispo Husu Rekoñese Grasa Maromak Nian

ArcheBispo Dili // Foto : Ell
banner 120x600

Jornalísta : Amar Belo //

G-RTV.com (Dili) : VIII Guvernu Husu Missa Agradesementu Iha Âmbitu Serimónia investidura Prezidente Repúblika foun no mós Komemorasaun Loron Restaurasaun Independénsia Timor Leste Ba Dala-20.

banner 325x300

Tuir Prezidente Komissaun Organizadóra, Miguêl Perreira De Carvalho, hateten, objetivu husi missa ne’e atu husu agradese bá Maromak nomos ba erói ka funu-na’in sira ne’ebé luta ba rai ida nee,

“Missa agradesimentu ohin, ne’e parte ida husi programa sira liu-liu eventu rua importante mak, aban, loron 19 fulan Maiu, bá serimónia investedura prezidente repúblika eleitu període 2022-2027 no komemorasaun tinan 20 ba aniversáriu restaurasaun independénsia Timor Leste tambá ne’e ita husu agradese ba maromak nomos ba erói sira ka funu na’in sira ne’ebé luta ba rai ida ne’e, ” Informa Prezidente Komissaun,  Miguêl Perreira ba  jornalista sira hafoin missa agradesementu iha igreja katedral, Dili, kuarta-feira, 18/05/2022.

Iha fatin hanesan, Bispo Arcediocese Metropolitánia Dili, D. Virgilio Do Carmo, SDB, Espressa, “ Ha’u fó parabéns ba povu, guvernu no komissaun organizadora tamba ohin ita nia selebrasaun 20 aniversariu ne’e, ita nia na’in ulun sira no povu hatudu duni ona katak furak ba ita atu hahu rekoñese grasa no favór hotu ne’ebé ita simu husi na’in Maromak,” Espressa  Bispo arquideocese Metapolitania Deocese Dili, D.Virgilio Do Carmo, SDB.

Nia haktuir tan, missa selebrasaun ne’e la’ós nia kuantidade de’it maibé reza hamutuk hodi hasa’e unidade ba Maromak.

“Bá ha’u senti kapas no furak tamba ita nia selebrasaun eukaristia ohin ne’e la’ós de’it kuantidade tambá ema barak maibé liu-liu ita nia membru guvernu, Deputadu no na’in-ulun sira barak ne’ebé mai atu reza hamutuk hodi hasa’e ita nia unidade ba Maromak, bá di’ák hotu ne’ebé ita simu, ita la’ós reza de’it, ita la’ós reflete de’it maibé reza atu Maromak loke ita nia fuan atu Timor-oan hotu-hotu kompremete nia-an, haka’as-an, no hola konxiénsia ida katak hakarak Timor ida ne’ebé di’ák liu ita hotu tenki kontribui Timor nia di’ák,” Haktuir ArcheBispo ne’e.

Partisipa iha selebrasaun eukaristia ne’e, Prezidente eleitu, Dr. José Ramos-Horta no alta entidade sira seluk, komunidade no organzisaun inklui instituisaun públiku sira ne’ebé iha kapitál Dili.

 

(REMATA).

 

 

banner 325x300

relavante