banner 728x90

Xefe Aldeia Bairo Formosa lamenta diploma eskola sai kritéria trata sertidaun RDTL

banner 120x600
117 Views

G-NEWS (DILI) – Xefe aldeia Bairro Formosa, Suku Gricenfor Postu Nain Feto munisípiu Dili, Carlos da Costa Carvalho Maia, lamenta ho kritéria hosi Diresaun Rejistu Sivil no Notariadu Munisípiu Dili, ne’ebé hamosu kritéria ida ba sidadaun sira, aprezenta Diploma ikus eskola, nune’e bele hetan sertidaun RDTL.

Carlos da Costa Carvalho Maia, hato’o lamentasaun ne’e ba G-News, sábadu (25052024) iha ninia hela fatin Bairo Formosa, Dili.

banner 325x300

Sidadaun balun haksoit tama moru protesaun atu trata passaporte

Nia esplika, iha kinta-feira, loron 23 fulan-Maiu tinan 2024, nia parte ba trata ninia sertidaun RDTL iha Diresaun Rejistu Sivil no Notariadu munisípiu Dili, maibé labele prosesa tanba responsável másimu iha ne’ebá husu fali nia atu aprezenta Diploma ikus eskola nian.

“Ha’u nia diploma la iha. Maibé agora sira husu diploma ne’e oinsá loos. Sira husu fali ha’u atu halo karta ida ba Edukasaun. Ha’u la hatene karta ba edukasaun ne’e agu halo saida”, Carlos lamenta situasaun ne’e ba G-News.

Trata sertidaun RDTL pendente iha Notariadu Manufahi

Xefe aldeia Formosa ne’e fó sasin katak, ajente administrasaun públiku iha Diresaun Rejistu Sivil no Notariadu munisípiu Dili mós husu fali labarik ki’ik ida ho tinan-3 ne’ebé trata sertidaun RDTL, ba ninia inan-aman, maibé parte kompetente hatan ho hakfodak, tanba ninia oan sei ki’ik no seidauk eskola.

“se ha’u mesak karik hanusa, mais agora labarik ki’ik ida ho tinan-3, mós sira husu diploma. Labarik ki’ik ne’e nia aman dehan, ami nia oan eskola ne’e iha kedan kabun laran ka oinsá mak atu aprezenta diploma ikus hodi hetan sertidaun RDTL”, Xefe Aldeia Bairo Formosa ne’e esplika.

Ho informasaun ne’e, G-News, seidauk halo konfirmasaun ho Diretór Diresaun Rejistu Sivil no Notariadu munisípiu Dili tanba loron ferias, no G-News tenta atu hetan informasaum hosi parte kompetente segunda-feirs (27052024).

Akompaña nafatin G-News nia sítiu, tanba sei iha entrevista esklisivu ho autoridade Komunitárih Suku Gricenfor, segunda-feira aban.

Editór Testu : Amito Qonusere Araújo

relavante