banner 728x90

Aban, Governu sei tula fitun rua ba KomJer PNTL foun

banner 120x600
12 Views

G-NEWS (DILI) – Segunda-Feira (27032023) aban, iha Aniversáriu PNTL ba dala-23, Governu sei tula deviza Komisáriu-Jerál ho fitun rua ba Superintendente Xefe Henrique da Costa no segundu Komandante-Jerál ho fitun ida ba Superintendente Xefe Pedro Belo.

Superintendente Xefe Henrique da Costa no Superintendente Xefe Pedro Belo, hetan nomeiasaun iha Kuarta-Feira (15032023) liuhosi Konsellu Ministru, aprova ho unanimidade ba Komandante-Jerál Polísia foun ba mandatu tinan-tolu hodi troka Komisáriu Faustino da Costa ho nia segundu Komandante.

banner 325x300

Komandante-Jerál PNTL Komisáriu Faustino da Costa hateten, Komandante Jerál foun mai, ho deviza fitun rua.

“Komandante-Jerál foun sei mai ho postu ka deviza Komisáriu-Jerál ka fitun rua, no segundu mak Komisáriu ho fitun ida”, Dehan Komisáriu Polísia Faustino.

Tuir Komisáriu Faustino katak, ida ne’e foin primeira vez akontese.

” Hadia kondisaun, ida ne’e ho objetivu halai liu ba profesionaliza Instituisaun ne’e ninia emar sira”, Komisáriu Faustino aumenta tán.

Iha mandatu tinan tolu ba Komisáriu Jerál PNTL, iha prioridade lima ne’ebé sei hala’o, iha ne’ebé sei hato’o direta hosi Komandante-Jerál PNTL ho nia segundu iha âmbitu Aniversáiu PNTL ba dala-23.

Iha reuniaun Konsellu Ministru, Governu aprova ona projetu Rezolusaun Governu, ne’ebé aprezenta hosi Vise Ministru Interior António Armindo, kona-ba nomeiasaun Komandante-Jerál PNTL ho nia segundu Komandante-Jerál, ho periódu tinan tolu.

Ho rezolusaun Governu ne’e, hapara mós kargu Komisáriu Faustino da Costa no Komisáriu Mateus Fernandes, hosi Komandante-Jerál no Segundu Komandante-Jerál PNTL.

Nomeiasaun ba Komandante-Jerál PNTL ho nia Segundu Komandante-Jerál, tuir ajenda hosi Ministériu Interior, tuir lei orgánika artigu 25 alina II, ho proposta hosi Ministru Interior nian.

Jornalista : Ekipa G-News
Editór Testu : Amito Qonusere Araújo

relavante