banner 728x90

Aban, TDD sei deside distiñu suspeitu kazu Elemloi

banner 120x600

G-NEWS (DILI) – Tersa-Feira (02082023) Tribunál Distrital Dili (TDD) remata ona primeiru interogatóriu ba suspeitu ida ne’ebé deskonfia envolve iha kazu elemloi hodi hamate matebian Isac Sinarai, iha fulan Janeiru tinan ne’e.

Hafoin remata primeiru interogatóriu, suspeitu ne’ebé deskonfia envolve iha kazu elemloi ne’e, sei rona desizaun ka despaixu kona-ba aplikasaun medidas koasaun hosi Tribunal Distrital Dili (TDD) iha kuarta-feira (03082023) aban iha tuku sanolu dáder. Hafoin tuir primeiru interogatóriu, suspeitu ne’e fila fali ba kumpri iha sela detensaun munisípiu Dili.

banner 325x300

Ekipa sira ne’ebé lori suspeitu ne’e, mai hosi Ekipa Konjunta kompostu hosi Departamentu Investigasaun Kriminál, Departamentu Informasaun Polisia, Unidade Espesial Polísia (UEP), no Unidade Falintil.

Kapturasaun ne’e bazeia ba mandadu ezekuta detensaun ho númeru NUC.0002/23.PNSIK. hosi Tribunál.

Entertantu, suspeitu ne’e kaptura ho inisial H.S.M iha nia rezidénsia Mascarenhas Aldeia 04 Postu Vera Cruz Dili, iha segunda-Feira, loron 31 fulan Jullu tinan ne’e.

Entertantu, kazu omisídiu ne’e akontese, iha loron 06 fulan Janeiru tinan 2023.

Jornalista        : Ekipa G-News

Editór Testu   : Amito Qonusere Araújo

 

banner 325x300

relavante