banner 728x90

ADTL Indentifika Ema Ho Difisiénsia Afeta ba Inundasaun, Inklui Feto Rua.

Fatin refuziadus ba Inundasaun iha Salaun D. Bosco Comoro // Foto : G-RTV.com
banner 120x600
15 Views

G-RTV News (06/04/2021) : Hafoin akontesimentu inundasaun iha Kapitál Dili iha loron 04 Fulan ida ne’e, maioria populasaun afetadu sira obrigatóriu tenke refuzia ba fatin ne’ebé seguru, nune’e tuir Diretór Ezekutivu Assosiasaun Difisiénsia Timor Leste, Cesário Da Silva liu husi Via-Telefone ba G-RTV.com relata katak ;

‘’ ADTL identifika ona fatin refuziadus rua iha kapitál Dili mak, Salaun D. Bosco Comoro no Ministériu Finansas ne’ebé inklui ema ho difisiénsia refuzia iha fatin rua refere’’ haktuir Diretór ne’e.

banner 325x300

Líder Assosiasaun ne’e, deklara liu tan katak, ema ho difisiénsia na’in walu(8) inklui feto rua mak ADTL identifika iha fatin refuziadus rua refere :

’ Ami Identifika ema ho difisiénsia na’in Walu(8),  mak iha hela fatin refuziadus rua, nai’in 4 iha Salaun D. Bosco Comoro inklui Feto na’in 2, no Na’in 4 seluk iha ministériu Finansas ne’e mesak mane, maibé oras ne’e dadaun, Na’in 4 ne’ebé iha Salaun DB Comoro, muda ona mai konventu madre sira nian’’.

Identifikasaun ida ne’e, tuir diretór ezekutivu hato’o katak ADTL esforsu atu identifika ho objetivu atu servisu hamutuk ho entidades guvernu nian oinsá atu rezolve dezastre ida ne’e liu-liu ema ho difisiénsia sira hasoru hamutuk ho populasaun sira seluk ne’ebé afetadu.

Jornalista : Arménio.

 

’”Família Bo’ot Kompanhia GARDAMOR hato’o solidariedade ba Família afetadu ba Inundasaun iha Territóriu Nasionál , liu-liu iha kapitál Dili, ne’ebé akontese iha loron 04/04/2021, Forsa nafatin ho korázem tomak, atu ita hotu bele ultrapassa situasaun difísil ida ne’e’’.

 

 

 

relavante