banner 728x90

Agio Pereira husu esplikasaun Governu kona-ba problema buletim de votu

banner 120x600
60 Views

G-NEWS (DILI) – Eis Ministru Estadu ba Prezidénsia Konsellu Ministru Agio Pereira, segunda-feira (22052023) husu ba Primeiru Ministru Taur Matan Ruak, no Ministru Administrasaun Estatal, atu esplika kona-ba problema buletim de votu, no problema seluk relasiona ho prosesu kontajen de votus hosi STAE.

Liuhosi sosial mídia, Agio Pereira husu Governu nia responsábilidade kona-ba ne’e.

banner 325x300

“Sr. Ministru Estatal Miguel tenke hatán, tenke mai no esplika ba Prezidente, ba povu. Asuntu barak ne’ebé preokupasaun sériu kona-ba jestaun eleisaun importante ida-ne’e. STAE, nasaun nia Sekretariadu tékniku ba Administrasaun eleitorál sira la fó sira-nia responsabilidade tuir espetativa ba transparénsia”, Agio haktuir iha postajen facebook privadu.

“Bulletim vota ba votante sira atu ezerse sira-nia opsaun la disponivel sedu iha dadeer-saan iha estasaun votasaun balun, obriga ema barak atu hein no ema barak deside fila fali ba uma sein ezerse sira-nia direitu Konstitusionál atu vota. Rezultadu husi votasaun iha nasaun ne’e sidauk hatene”, Eis Governante ne’e esplika liután.

Prezidente Ramos-Horta hateten klaru:’’ keta halimar ho ita-nia povu nia direitu sagradu’’. Tuir loloos, hanesan aktu kriminál ida-ne’ebé bele bandu votasaun ita-nia nasaun nian.

Agio Pereira esplika liután katak, responsabilidade ne’e iha odamatan Ministru Administrasaun Estatal ne’ebé responsável ba STAE, Administrasaun eleisaun nian. Nia tenke hatán. Nia tenke esplika. Maske Prezidente Repúblika halo reasaun no asaun atu asegura konfiansa publiku, Ministru subar iha feriadu publiku.

Asaun ida-ne’e rekere investigasaun ne’ebé kle’an atu buka-hatene se mak fó orden atu la publika rezultadu eleisaun, se ida-ne’e kazu ida. Durante eleisaun prezidensiál, sira hotu sai di’ak.

Iha ronde da-ruak ESTADU hala’o ho di’ak liu husi publika rezultadu sira. Agora ne’e aat tebes Sr. Ministru Estatal Miguel tenke hatán, tenke mai no esplika ba Prezidente, ba povu.

Eis Ministru ne’e mós husu baPrimeiru Ministru Taur Matan Ruak atu hakat ba oin no iha responsabilidade. Esplika agora, laos aban.

Jornalista     : Ekipa G-News
Editór Testu  : Amito Qonusere Araújo

relavante