banner 728x90

Agradese Vitória Horta Iha Bobonaro, CNRT Husu Kontinua Preparadu

Foto : EG. Pereira
banner 120x600

Jornalísta : Arménio //

G-RTV.com (Bobonaro) : Estrutura nasionál partidu CNRT, lidera ekipa husi sekertáriu jerál (SEKJE) Francisco Kalbuadi Lay desloka ba munisípiu Bobonaro atu agradese ba eleitór ne’ebé fó sussesu kampaña no vitória ba kandidatu prezidente repúblika 2022-2027, José Ramos-Horta hahu iha períodu kampaña eleitorál to’o hetan vitória.

banner 325x300

‘’Bobonaro hetan 36.000 votante bá Horta, ne’e tambá hotu-hotu nia servisu, komesa husi fiskais, nurep, selkom, estrutura aldeia to’o munisípiu nia servisu no hetan apoiu husi movimentu no partidu aliadu sira hotu, ha’u hakruk no agradese tebes,’’ Dehan SEJKE, Francisco Kalbuadi Lay, iha serimónia konsolidasaun no agradesimentu ne’ebé hala’o iha sede CNRT munisípiu Bobonaro, Sábado foin lalais ne’e, 02/07/2022.

Nia kontinua liu tan, votu no vitória Horta ne’ebé hetan iha munisípiu refere, Kalbuadi konsidera votu ne’e mai husi povu ho nia sakrifísiu sira.

‘’Votu ne’e povu nian tambá ne’e, ita mos agradese ba Maromak no povu, obrigadu ba ita bo’ot sira hotu nia sakrifísiu,’’  kontinua eis-membru guvernu ne’e.

 Kalbuadi reforsa tan,‘’Horta eleitu sai ona prezidente povu tomak nian, maske ita iha akordu polítiku maibé servisu la fasil, tenke fó tempu ba nia atu konsolida no buka dalan ne’ebé di’ák liu atu harii fali estadu ida ne’e ho di’ák, CNRT preparadu no konsolidasaun ohin ba oin ita tenke preparadu liu tan ba eleisaun parlamentár nian, labele foti-án, maibé haraik nafatin ba povu,’’ Reforsa ema númeru 2 iha partidu ne’e.

Iha fatin hanesan, estrutura munisipál Bobonaro, agaradese mos ba eleitór no husu atu hamutuk nafatin hodi hametin liu tan estrutura no konfiansa povu nian ba CNRT hodi hasoru eleisaun sira tuir mai.

Iha serimónia refere, hetan partipasaun máxima husi estrutura CNRT munisípiu, movimentu aliadu sira, partidu apoiante sira ne’ebé durante períodu eleisaun apoiu kandidatu José Ramos-Horta ne’ebé indika husi partidu CNRT.

(REMATA).

 

banner 325x300

relavante