banner 728x90

Ajénsia Tickete Aviaun Narpov Ateita Hetan Ezizénsia Husi Pasajeiru Atu Devolve Osan.

Foto Eqipa G-rtv Julio Paixao
banner 120x600

G-RTV News (26/04/2021): Pasajeiru ne’ebé la to’o iha fatin distinsaun tuir saida mak hakerek iha Tickete aviaun ne’ebé sosa, hala’o ezizensia ba kompañia atu devolve osan tickete.

Iha Segunda-Feira dadér (26/04), pasajeiru ne’ebé la to’o iha fatin distinsaun, hamutuk ho família hala’o ezijénsia ba ajénsia tickete Narpov Ateita nu’udár komapañia ne’ebé responsabilija tickete ba pasajeiru Aviaun Malindo ho nia Voo Dili-Kuala lumpur iha Fatuhada, Munisípiu Dili.

banner 325x300

Hatan ba ezizénsia, nain ba kompañia José alexandre Zeca Guterres informa katak ajénsia sei kopera ho pasajeiru no husu atu pasajeiru halo justifikasaun.

‘’Ami husi ajénsia prontu kolabora maibé husu justifikasaun ba sira ne’ebé la bá, tamba saida mak la ba?’’. Informa Nain ba Kompañia iha nia kna’ar fatin.

Fontes ne’e konfirma mós, ajénsia prontu atu devolve Osan maibé presija iha halo uluk verifikasaun.

’Komapañia prontu atu devolve osan maibé tenke bazeia ba verifikasaun dadus husi Aeroportu Internasionál Dili no Kuala-Lumpur liu-liu dúvida ho teste PCR ne’ebé halo husi HNGV’’. Espresa fontes ne’e.

Nune’e mós, Pedro Carrascalão hanesan organizadór ba aviaun Malindo ne’ebé transporta Timor-oan husi Dili Ba Kuala-Lumpur klarifika, antes Voo ne’e akontese Malindo husu atu ajénsia halo verifikasaun ba kontinuasaun viázem husi Kuala-Lumpur ba Europa.

‘’Momentu Aviaun seidauk mai, parte husi Malindo sempre fo hatene katak favór hare didiak Billete sira liu-liu Dili – Kuala-Lumpur no Kuala-Lumpur ba Europa atu haruka mai, maibé iha loron 17 fulan ida ne’e, parte ajénsia seidauk haruka bá, tamba tuir regras, pasajeiru kuandu atu transfere husi aeroportu ida ba aeroportu seluk ho aviaun ketak, parte imigrasaun husi nasaun ne’ebé halo tranzisaun ba pasajeiru sei halo verifikasau antes mínimu loron 6’’. Pedro Klarifika.

‘’To’o momentu ikus atu bá, iha ona parte check-In Aeroportu Dili, Malindo rasik husu nafatin atu hare dokumentu ba pasajeiru ho lolos, hafoin halo verifikasaun, deteta duni iha falla, ho razaun ida mak bainhira ho pasaporte Timor, tenki hakerek mós bá no mai, tamba ne’e ha’u la autoriza atu pasajeiru balun sa’e aviaun’’ Pedro Fortifika.

Antes ne’e (18/04), pasajeiru Aviaun Malindo ho Voo Dili Kuala-Lumpur to’o iha Kuala-Lumpur hamutuk ema na’in-71, bainhira  to’o iha Kuala-Lumpur nain 35 obriga labele kontinua viázem no fila mai Timor tamba ho razaun utiliza passaporte RDTL no na’in ida deteta pozetivu Covid-19 no sei iha hela Kuala-Lumpur.

Tuir Informasaun ne’ebé G-RTV.Com assesu katak kada tickete ne’ebé pasajeiru sosa, husi Trêz Mill to’o Onze mill maibé infelizmente balun lakonsege ba to’o iha fatin distinsaun.

Jornalista : Oza Carvalho.

Editór : Armenio.

 

 

 

 

 

 

banner 325x300

relavante