banner 728x90

AJTL no TLPU prega bandalizmu ba protokolu PA-RAEOA Aquito Roxaca Guterres

banner 120x600
58 Views

G-News (DILI) – Assosiasaun Jornalista Timor Lorosae (AJTL) no Timor Leste Press Uniao (TLPU) husu Prezidenti Autoridade Rejiaun Administrativa Espesiál Eeccuse Ambeno (RAEOA) Rogeiro Tiago Lobato, atu foti medida ba portokolu Aquito Roxaca Guterres ne’eée hatudu aktu violentu hasoru Jornalista destakadu Ajênsia Nasionál TATOLI.IP Abilio Elo Nini, bainhira hala’o kobertura ba serimónia RAEOA ho TIMOR AID ne’ebé selebra akordu ba estabelesimentu muzeum Pais-Timor iha Oecusse.

Liuhosi konferénsia imprensa, Sekretáriu-Jerál Assosiasaun Jornalista Timor Lorosa’e Acacio Pinto hateten, aktu violentu husi pessoal portokulu PA-RAEOA hasoru Jornalista, konsidera hatudu mentalidade bandalizmu hodi impede mídia no jornalista atu asesu ba informasaun.

banner 325x300

Tanba ne’e, AJTL husu Prezidente RAEOA atu foti sansaun rigor ba pessoal portokulu refere.

TLPU sei kontesta PA-RAEOA, husu demite protokolu Aquito

“AJTL kontra no kondena aktu violente hasoru jornalista Tatoli ne’ebé komete hosi pesoal portokolu irresponsavel RAEOA nian tanba aktu violente ne’e sei hatauk jornalista no media atu kobertura no halo publikasaun notisia, liu-liu atu garante papel mídia kontrolu sosial. Aktu violente ida ne’e la hatudu mentalidade demokratiku pesoal entidade sira estadu nian atu garante boa governasaun no kontabilidade iha país demokratiku Timor Leste, maibé hatudu fali mentalidade bandalizmu hodi impede mídia no jornalista atu asesu ba informasaun sira ne’ebé iha ligasaun ho servisu publiku nian”.

“Tanba ne’e AJTL husu ba Prezidente RAEOA Rogerio Tiago Lobato atu foti medida no sansaun forte hasoru pessoal portokolu ne’ebé halo aktu violentu hasoru jornalista TATOLI iha espasu públiku nian”, Haktuir Sekjer AJTL Acacio.

Protokolu PA-RAEOA rasta monu jornalista TATOLI no tenta atu tuku tán

Sekretáriu-Jerál Timor Leste Press Union (TLPU) Zezito da Silva hato’o ona karta kontestasaun ba sekretariadu ZEEDOA iha Dili, hodi husu ba Prezidente PA-RAEOA Rogerio Tiago Lobato atu demite pessoal portokolu ne’ebé halo aktu violentu hasoru jornalista TATOLI.IP ne’e.

“ohin loron 6 fulan-Juñu Asosiasaun Jornalista submete hela karta ida mai iha sekretariadu ZEEMS iha Dili hodi husu PA RAEOA Rogerio Tiago Lobato, relasiona kazu ne’ebé akontese hodibainrua iha Oeccuse, ne’ebé mak portokolu PA-RAEOA nian halo asaun hasoru jornalista TATOLI.IP Abilio Elo Nini iha momentu serimónia RAEOA ho TIMOR AID ne’ebé selebra akordu ba estabelesimentu muzeum Pais-Timor iha Oecusse, maibé protokolu dezrespeita no demite hela jornalista nia servisu iha terenu”.

PR Horta sei husu PA-RAEOA kona-ba kazu protokolu ho jornalista

“primeiru dade jornalista bainhira jornalista hala’o nia kna’ar no rasta jornalista to’o monu iha fatin, no tenta atu tuku tán jornalista tanba ne’e mak Asosiasaun Jornalista lamenta aktus ida ne’e ho hahalok premanismu, tanba ne’e ami husu ba PA-RAEOA atu bele hare assuntu ida ne’e hodi fó xamada ka demite hosi nia kargu protokolu tanba la respeita servisu jornalista nian no dezobiedensia ba konstituisaun RDTL iha artigu 40 no 41 kona-ba liberdade imprensa no liberdade espresaun, no lei komunikasaun sosiál kona-ba liberdade imprensa”, haktuir Sekjer TLPU Zezito da Silva.

Entertantu AJTL no TLPU kontinua mantein halo advokasia bainhira kazu ne’e lori to’o ba iha Tribunal.

Kazu ne’e akontese iha tersa-feira, iha loron 4 fulan-Juñu, iha tuku tuku-5 lorokra’ik iha área ótel Ambeno Oecusse.

Jornalista           : Martinho Belo

Editór Testu        : Amito Qonusere Araújo

relavante