banner 728x90

Akordu ho SEJD, Oe-Cusse sei  ‘’festa’’ ho atividade desportu

Serimónia assina akordu entre SEJD no RAEOA iha edifísiu Faról, Dili (10/12/2021) // Foto : Arménio
banner 120x600

G-RTV.com (Dili) : Sekretáriu Estadu Juventude no Desportu (SEJD) assina akordu servisu hamutuk nian ho autoriedade Reziaun Autonomia Espesiál Oe-Cusse Ambeno (RAEOA) konabá atividade desportu iha Oe-cusse.

Atividade desportu ne’e, sei haree liu konabá area desportu komunitáriu no eskolar  iha reziaun ho nia diáletu baikenu ne’e.

banner 325x300

‘’Objetivu husi servisu hamutuk ne’e nu’udár kontratu orgániku ida atu husu ajuda bá autoriedade RAEOA hodi implementa atividade ne’ebé planeia ona husi nasionál liu-liu atividade desportu komunitária no eskolar ho nia orsamentu kuaze $40 mil resin’’, hateten SEJD, Eng. Abrão Nokosiku Saldanha hafoin remata assina akordu iha edifísiu autoriedade RAEOA, faról, munisípiu Dili, Sexta ne’e.

Iha fatin hanesan, Prezidente autoriedade RAEOA afirma, agradese bá SEJD tambá sempre hanoin RAEOA hodi dezenvolve desportu no parte autoriedade prontu atu kolabora.

‘’Agradese bá SEJD ne’ebé sempre hanoin RAEOA, delegasaun kompeténsia ami sempre prontu atu la’o tambá sei benefisia povu Oe-Cusse’’, Afirma Prezidente RAEOA, Arsénio Paixão Bano.

Entertantu, iha implementasaun akordu ne’e, ema númeru ida iha RAEOA deklara katak tempu badak sei realiza jogu komunitáriu bá suku no sub-reziaun sira inklui jogu eskolar ho modalidade difinitivu hodi aproveita iha tempu ferias nian.

 

Jornalista : Julio Paixão

Editór : Ekipa G-RTV.com

banner 325x300

relavante