banner 728x90

Alkatiri Sei Entrega Proposta ‘’Domin’’ Ba Xanana Bainhira Fila Husi Estranjeiru

Diskursu Alkatiri ho kamiza partidu FRETILIN iha Palku Os Verdes de Timor // Foto : ekipa G-RTV.com
banner 120x600

Jornalista : Arménio //

G-RTV.com (Dili) : Líder nasionál nu’udár moos Atuál Sekretáriu Jerál (SEKJE) Partidu FRETILIN, Mari Alkatiri sei entrega proposta ‘’ Domin’’ ba Xanana ho objetivu hakarak atu unifika líder nasionál sira hodi halo balansu ba ukun.

banner 325x300

Deklarasaun ne’e, SEKJE deklara iha nia diskursu bainhira partisipa iha serimónia offisializasaun Apoiu Partidu Os Verdes De Timor  iha Tasi-Tolu, Sábadu ne’e, 12/02/2022.

’Ha’u hein hela balun atu fila mai husi estranjeiru atu entrega hau nia proposta, halo reuniaun balansu hahu husi lideransa Xanana, ha’u, to’o mai Lere, hau sei luta ba ida ne’e, tempu atu povu hatene, osan hirak mak gasta ona, uluk ita oho malu maibe nafatin halo rekonsiliasaun, la’ós halo balansu atu loke fali problema foun, tempu ona atu ita kurrize’’ Deklara Alkatiri.

Nia moos salienta liu tan katak, husi balansu ne’e atu povu bele hatene ukun-nain sira durante tinan 20 resin halo saida ona ba povu.

‘’Ne’e tempu ona, uluk ita luta tinan 24, agora restaura tinan 20 resin ona, tempu atu halo balansu atu nune’e hotu-hotu hatene, ami ne’ebé ukun ne’e, halo saida ona?’’. Salienta Eis-Primeiru Ministru ne’e.

Líder nasionál ne’e moos husu liu-liu Xanana, Ramos-Horta, Taur matan Ruak, Lú-Olo bele tur hamutuk hodi halo balansu.

Nune’e nia husu apoiu tomak bá partidu hanesan Os Verdes De Timor, PD, KHUNTO, PLP no sira seluk tan atu apoiu ideia ida ne’e, tambá tuir nia ideia refere sai nu’udár material kampanã Alkatiri.

Antes ne’e, iha fulan rohan Janeiru 2022, Bainhira fila husi Portugal, liu husi konfer’ensia Imprensa, Eis-Titulár ne’e afirma nia pozisaun sei reunifika líder nasionál sira atu hateke ba Oin lori prosperiedade mai povu Timor Leste.

Entretantu, Líder nasionál Kay Rala Xanana Gusmão iha loron 28 Janeiru 2022, sai husi Timor ba estranjeiru no to’o oras ne’e seidauk bele fila mai Timor ho razaun ne’ebé G-RTV.com assesu katak Xanana sei halo missaun konabá fronteira maritime no assuntu seluk, tuir planu sei to’o hikas Timor Leste iha semana oin. (Remata).

banner 325x300

relavante