banner 728x90

ANC Lansa Servisu Unidade Protesaun Konsumidór, Agustinho : ‘’Kliente Sai Liurai’’.

Ministru MTK, Jose Agustinho dere babadok nu'udar simblu ba lansamentu estabelesimentu unidade srvisu protesaun konsumidor iha ANC. // Foto: Ekipa G-RTV.
banner 120x600
17 Views

G-RTV News: Ministériu Transporte no Komunikasaun (MTK) liu husi Autoriedade Nasionál Ba Komunikasaun (ANC-Sigla Português) hala’o lansamentu ba Servisu Unidade Protesaun Konsumidór.

Iha diskursu, Ministru MTK, José Agustinho da Silva hateten, estabelisimentu unidade protesaun ba konsumidór nu’udár papél reguladór husi ANC atu proteje , informa no eduka operadór no konsumidór ba sevisu telekomunikasaun.

banner 325x300

‘’Nu’udár reguladór ba telekomunikasaun, ho estabelesimentu Unidade Protesaun ba Konsumidór atu proteje, informa no eduka konsumidór no operadór ba servisu telekomunikasaun’’ hateten Agustinho iha salaun MTK, Munisípiu Dili, tersa-Feira ne’e. (15/06).

Nia hatutan, iha merkadu sempre aplika prinsípiu ida katak kliente sai liurai, hanesan guvernante servisu ba povu hanesan liurai.

’Iha merkadu, normalmente aplika prinsípiu ida katak kliente mak liurai, prinsípiu ne’e aplika diák ba ita hotu, hanesan guvernante servisu ba liurai sira, mak provu’’. fontes ne’e hatutan.

Objetivu prinsípál ba estabelesimentu refere, loke dalan ba konsumidór telekomunikasaun sira atu buka solusaun ba problema telekomunikasaun liu-liu liña internet ne’ebé  konsumidór sira sempre reklama.

‘’Bainhira konsumidór sira laran susar ba tratamentu balun husi operadór sira, konsumidór bele hatama uluk reklamasaun ba operadór telekomunikasaun rasik, maibé la iha solusaun, konsumidór bele hato’o keixa ba ANC liu husi servisu unidade protesaun konsumidór atu halo diálogu no buka solusaun’’. espressa Ministru husi Partidu KHUNTO ne’e.

Iha fatin hanesan prezidente Assosiasaun Tane Konsumidór, António Ramos Da Silva, fó sai servisu ne’ebé durante Tane Konsumidór sira halo relasiona ho konsumidór husi telekomunikasaun.

‘’Konabá servisu ami nia, durante ne’e, ami hetan keixa husi konsumidór sira liu-liu konabá servisu telekomunikasaun, nune’e ami sempre hato’o ba parte relevante sira atu rezolve, maibé ho estabelesimentu ida ne’e, esperu bele fó ona solusaun ruma ba direitu konsumidór ni’an’’. Haktuir nia.

Maneira atu hato’o reklamasaun ruma relasiona ho servisu operadór telekomunikasaun nian, ANC liu husi unidade servisu protesaun konsumidór sei atende ho maneira prienxe formuláriu no kria diálogu saudável ida entre operadór no konsumidór atu hetan solusaun ne’ebé diák.

Jornalista : Arménio.

relavante