banner 728x90

Aniversáriu HNGV, PR : Sai Diretór Iha Hospitál La’ós Tenke Médiku

Foto : G-RTV,com
banner 120x600

Jornalísta : Arménio //

G-RTV.com (Ermera) : Relasiona ho aniversáriu Hospitál Nasionál Guido Valadares (HNGV) bá dala-20 ne’ebé selebra iha loron 29/06, Prezidente Repúblika (PR) José Ramos-Horta afirma, tenke hare jestaun no sai diretór (jerente) la’ós tenke hare husi pessoál médiku.

banner 325x300

‘’Tenke hare jestaun hospitál ne’e importante tebes, iha nasaun seluk, jerente ( kargu diretór)  hospitál ne’e la’ós tenke mai husi doutór médiku maibé husi jestór ne’ebé hatene jestaun (Manajemen Hospitál), se la’e ita lakon doutór médiku ida ne’ebé tuir lolos atende pasiente maibé fera-ulun fali bá jestaun hospital,’’ Hateten Horta iha Suku Taraço, Postu-Administrativu Rai-Laku, Munisípiu Ermera, Kuarta ohin, 29/06/2022.

 ‘’Iha buat barak ita hare iha progressu sira, ha’u sempre vizita Hospitál sira, ha’u hare problema sira, dalaruma nakonu ho ema moras dengue, ha’u mós hare dedikasaun doutór sira nian ne’ebé servisu oras naruk, ha’u hare iha disiplina no ijiene iha fatin sira ne’e’’, Dehan Prezidente Repúblika ne’e.

Premiadu Nóbel bá Páz ne’e reforsa tan, ‘’20 anos, parabéns ba sira hotu iha hospitál, hahu husi dasa rai, médiku, tékniku,  motorista, no ema hotu ne’ebé servisu iha hospitál, ba ha’u guvernu presija hare sira nia vensimentu di’ák liu. iha rai ida ne’e, profissaun rua mak importante liu bá ita, Professór no saúde ( ema ne’ebé servisu iha saúde),’’ Espressa Premiadu Nóbel Bá Páz ne’e.

(REMATA).

 

banner 325x300

relavante