banner 728x90

ANPM fasilita formasaun Reportájen Petróleu ba Jornalista sira

banner 120x600
29 Views

G-NEWS (Covalima) – Autoridade Nasionál Petróleu no Minerais (ANPM) fasilita formasaun kona-ba reportájen petróleu ba Jornalista Nasionál no destakadu Munisipal sira, ne’ebé hala’o iha Aeroportu Internasionál Komandante Em Xefe Kay Rala Xanana Gusmão Covalima, durante loron tolu, hahú kuarta-Feira semana ne’e.

Iha abertura ba formasaun ne’e, Prezidente ANPM Florentino Soares Ferreira hateten, formasaun reportájen Petróleu ne’e importante tebes ba Jornalista sira, atu bele aumenta sira nia konhesimentu, liu-liu notísia kona-ba petróleu no minerais ninian, nune’e bele hato’o reportájen ho konteúdu diak.

banner 325x300

Florentino konfirma tán, durante ne’e sosiedade barak seidauk iha konhesimentu diak kona-ba konteúdu ka informasaun petróleu no minerais, tanba ne’e mak formasaun Jurnalismu ba Jornalista sira importante tebes.

Iha aprejentasaun matéria sira ba Jornalista sira, sei koalia barak liu kona-ba Upstream, midestream no downstream, iha área rai maran no tasi laran (onshore no offshore). Alende ne’e sei aprejenta matéria mós kona-ba prosesu rekolla informasaun petróleu no minerais ninian.

Iha parte seluk, Reprejentante Konsellu Imprensa Timor Leste Amito Qonusere Araújo afirma, formasaun ne’e importante tebes ba jornalista sira atu eleva konhesimentu kona-ba reportájen Petróleu no Minerais nian.

Konselleiru Konsellu Imprensa Amito husu ba Autoridade Nasioná Petróleu no Mineirais (ANPM) atu kontinua apoiu Jornalista sira iha futuru, liu-liu kona-ba informasaun petróleu no minerais nian.

“Ho vizibilidade Plataforma dijital, sei bele kompete ho mídia konvensional sira, maibé plataforma dijital barak liu ho identidade falsa, ne’ebé lansa informasaun Hoax, ikus mai públiku konsume informasaun negativa”, tenik Amito.

Partisipante formasaun Reportájen Petróliu no Minerais, partisipa hosi Jornapista sira iha Mídia Públiku no destakadu sira iha nível munisípal.

Jornalista : Ekipa G-News.
Editór Testu : Redasaun

relavante