banner 728x90

Atleta Sea Games 2023 optimista lori medalla mai Timor

banner 120x600

G-NEWS (KAMBODIA) – Atleta Timor-Leste ho modalidade oi-oin, oras ne’e iha ona Cambodia, hodi partisipa eventu desportu ho nasaun sira seluk iha Sea Games tinan 2023.

Ba G-News, Kinta-Feira (04042023), Treinador Boxe Abilio Orlando dos Santos informa, durante loron hira iha Cambodia, sira kontinua halo preparasaun másimu ba fíziku no mentalidade, nun’e bele konkista iha eventu rejionál ne’e.

banner 325x300

Abilio mós esplika ba G-News katak, durante atendimentu hosi Governu no Federasaun ba atleta sira ladun másimu, maibé konsege hadia.

“Preparasaun durante fulan 4 nia laran lao ho diak. Problema alimentasaun durante fulan ida iha kajerna ladiak ,, Maibe depois hadia tiha”, esplika Abilio.

Maske la hatene kona-ba totá orsamentu ne’ebé aloka ba federasaun ba preparasaun Eventu Sea Games, maibé preparasaun durante fulan hat (4) lao ho diak.

“Governu fo osan, no osan ne’e aloka ba CDTL mak jere durante preparasaun”, Nia aumenta tán.

Treinador ba modalidade boxe ne’e iha optimista boot atu manan hodi rekolla medalla mai Timor Leste.

Eventu Sea Games ba dala-32 ne’e, akontese kada tinan 2, ne’ebé sei realiza hahú hosi loron 5 to’o loron 17 fulan Maiu tinan 2023, ho uma na’in hosi Kambodia, iha ne’ebé sei partisipa eventu ne’e hosi nasaun 11, iha kompetisaun hamutuk 581, kompetisaun ba feto hamutuk 304, kompetisaun ba mane hamutuk 229 no 48 mak kahur malu, no aumenta tán ho desportu demonstrasaun.

Nasaun sira ne’ebé partisipa mak hanesan Kambodia, Brunei Darussalam, Timor-Leste, Indonézia, Laos, Malazia, Myanmar, Filípina, Singapura, Thailandia no Vietname.

Tuir órariu, serimónia ofisial sei hala’o iha Phnom Penh iha Sexta-Feira loron 5 fulan Maiu, maibé kompetisaun balun hahú ona iha Sábadu loron 29 fulan abril liu ba.

Jornalista          : Ekipa G-News

Editór Testu       : Amito Qonusere Araújo

banner 325x300

relavante