banner 728x90

Atu Legaliza Partidu Iha TR, ‘’Possibilidade’’ Os Verdes de Timor Sei Apoiu Lú-Olo

Meza Konsultivu Nasionál ne’ebé lidera husi Prezidente partidu Os Verdes De Timor // Foto : ekipa G-RTV.com
banner 120x600
16 Views

Jornalista : Arménio.

G-RTV.com (Dili) : Partidu Promovidu Os Verdes De Timor ne’ebé sei hala’o nia prossesu rezistrasaun iha Tribunál Rekursu (TR) hodi hetan legalidade hanesan partidu iha Timor Leste.

banner 325x300

Dominggo ne’e (30/01/2022) iha salaun Katedrál Dili, hala’o enkontru konsultivu nasionál  ho estrutura lideransa inisiadór no lideransa munisipál atu deside OS Verdes De Timor nia kandidatura hodi kompete iha eleisaun prezidensiál 2022-2027.

‘’ Desijaun Os Verdes De Timor liu husi delegadu tomak rezulta, fo kompetensia ba Prezidente Partidu atu foti desijaun iha loron 12/02/2022, agora’’.  Deklara Prezidente Partidu Os Verdes De Timor, António Lela Hunu Crúz hafoin remata enkontru konsultivu ne’e.

Hatan konabá possibilidade atu apoiu Kandidatu Prezidente Franscisco Guterres Lú-Olo ne’ebe partidu FRETILIN apoiu, Lela Hunu afirma, depende ba komunikasaun polítika ho kandidatu sira.

‘’Possibilidade iha, maibé sei halo komunikasaun ho partidu no kandidatu sira seluk, importante mak apoia ami nia interese mak oinsa lori ami nia partidu atu ‘’sarani’’ iha TR’’  Afirma Prezidente ho nível akadémiku hanesan Engiñeiru ne’e.

Lela Hunu moos esperessa katak, Atu Apoiu kandidatu Prezidente Ida, Os Verdes garante votu apoiante hamutuk rihun 10 resin iha eleisaun prezidensial tinan ida ne’e.

Iha fatin hanesan, prezensa konvidadu husi membru Komité Sentrál Fretilin (CCF-Sigla Portugûes) afirma la iha dúvida OS Verdes atu apoiu kandidatu prezidente husi FRETILIN.

’ La iha dúvida  ona atu apoiu kandidatu husi Partidu Fretilin no ami moos sei apoiu sira atu hetan rezistu tambá sira iha rekézitu formál’’. Esklarese husi Membru CCF, José Manuel Nakfilak.

Entretantu, Partidu promovidu Os Verdes de Timor, oras ne’e dadaun sempre halo tentativa liu husi kumpri rekézitu sira atu ba rezistu iha TR, hodi hetan legalizasaun, nune’e semana balun tan, tuir informasaun ne’ebé G-RTV.com,  sira sei hetan karta legalizasaun husi TR.

 

(Remata)

relavante