banner 728x250

Australia prontu apoiu setór Turismu Timor

banner 120x600

G-NEWS (DILI)- Governu Australia liuhosi ninia enkarregada negósiu mai Timor Lorosa’e, Caitlin Wilson katak, Governu Australia prontidaun atu apoiu Governu atúal hodi dezenvolve setór turismu no ekonómia iha rai ida ne’e.

Enkarregada negósiu Australia mai Timor Leste (Australia’s Charge D’affairs to Timor Leste), Caitlin Wilson afirma, Australia kontinua hala’o servisu hamutuk ho IX governu konstitusionál hodi fó formasaun ba iha treinamentu hodi hasa’e kapasidade hodi halo jestaun ba finanseira no bele halo planu iha área turismu no hasa’e konhesimentu iha area negósiu nian.

banner 325x300

“Australia sempre prontu apoiu Timor Leste ba adezaun ASEAN inklui mós apoiu ba iha organizasaun mundial komérsiu, no fó treinamentu hodi hasa’e kapasidade orsamentu, planeamentu ba turismu inklui treinamentu ba hasa’e negósiu nian,” hatete enkarregada negósiu Australia, Caitlin Wilson iha komunikadu ne’ebé G-NEWS asesu iha loron 03 Agostu 2023.

Nia reforsa, mesmu Canberra to’o oras ne’e seida’uk nomeia embaixador atu hala’o servisu diplomata iha Timor Lorosa’e, maibé nafatin kongratula ba Governu atúal liu-liu ba vise primeiru ministru, Ministru Koordenador asuntu ekonómia, Ministru Turismu no Ambiente, Francisco Kalbuadi Lay ne’ebé iha kapasidade hodi bele asume kargu lubuk ida iha governasaun atúal.

Dehan Nia, tanba kargu hirak ne’e mesak importante de’it hodi ko’alia kona-ba futuru rai ne’e nian liu-liu iha área ekonómia.

Tanba, Timor Lorosa’e ho Australia durante ne’e iha kooperasaun di’ak, nune’e lori Governu Australia ninia naran hakarak mantein no hadi’a hodi hametin di’ak liutan kooperasaun servisu ho Governasaun lideradu Kay Rala Xanana Gusmão.

Entretantu, Francisco kalbuadi Lay agradese vizita espesial, hatudu komitmentu Governu Australia ne’ebé hakarak kontinua hahú agora no ba oin, apoiu IX governu Konstitusional lídera hosi Kay Rala Xanana Gusmão iha área turismu no ekonómia inklui iha área oioin ne’ebé bele fo benefísu ba povu no estadu ne’e.

“Australia la’os primeira ves foin ajuda ita maibé kle’ur ona. Depois restaura independensia 2002 Australia fó ona apoiu iha área hotu-hotu, ohin ami kontinua diskute tan saida maka governu Australia hakarak halo iha Timor,” Informa Francisco kalbuadi Lay.

Jornalista     : Ekipa G-News
Editór Testu  : Amito Qonusere Araújo

banner 325x300

relavante