banner 728x90

Autoridade Suco Ossú De Cima lamenta rehabilitasaun estrada Larigutu

banner 120x600
1 Views

G-NEWS (Ossú-Viqueque) –Kompaña Wakae Unipessoal Lda ne’ebé kaer projetu rehabilita estrada diresaun Asalaitula to’o iha Ossú Vila seidauk remata.

Projetu rehabilitasaun estrada ne’ebé Kompaña Wakae unipesoal Lda, hahú iha tinan 2011, no tinan sanulu resin ida ona, maibé kontinua aat ba bebeik no sai tiha hanesan fatin Karau debu tanba Kompaña servisu la ho másimu.

banner 325x300

Segunda Feira ne’e (31/10/2022), xefe Suco Ossú Decima Celestinho Monteiro de Carvalho informa ba Jornalista G-News katak, projetu rehabilitasaun estrada diresaun Asalaitula ba too iha Ossú Vila Viquequene’ebé Governu fó fiar ba Kompaña Lokál Wakae unipesoal Lda, maibé tinan sanulu resin ida nia laran konstrusaun estrada ne’e seidauk remata.

Ho preokupasaun ne’e, autoridade komunitáriu ne’e husu ba Governu atu fó Projetu rehabilitasaun estrada ne’e ba Kompaña internasionál, nune’e bele aselera lalais servisu ho diak.

” Husu ba Kompaña Wakae unipesoal Lda atu kopera ho Governu tuir kontratu ne’ebé iha, katak sei remata iha loron 25 fulan Dezembru tinan 2022, se karik liu ida ne’e mak seidauk final di’ak liu fó fila fali ba Kompaña Internasionál atu aselera lalais servisu ne’e tanba Kompaña Wakae unipesoal Lda servisu kleur ona maibé nune’e hela de’it”, tenik Xefe Suku.

Autoridade komunitáriu iha ona informasaun hosi Governu katak, sei fó fila fali ba Kompaña internasionál atu rehabilita rehabilitasaun Estrada.

Bainhira Governu mantein kontratu ho Kompaña Wakae unipesoal Lda, autoridade komunitáriu sei organiza komunidade hodi husu Governu atu esplika klaru kona-ba ne’e.

Maske xefe Suku rasik to’o ona iha edisísiu Ministériu Obras Públika hodi informa relasiona ho rehabilitasaun estrada diresaun Asalaitula to’o Ossú Vila, maibé la iha resposta positive, no estrada refere kontinua grave bebeik hodi difikulta movimentu transporte públiku.

Xefe suku mós husu ba Kompaña Wakae unipesoal Lda atu halo Pagamentu lalais ba trabalhador sira ne’ebé mak to’o oras ne’e seidauk hetan sira nia direitu.

Tuir observasaun, maske Kompaña Wakae seidauk remata nia kontratu maibé Kompaña Internasionál komesa hahú ateru ona estrada Asalaitula to’o larigutu atu fasilita transporte públiku.

Jornalista   : Teotonio Alves Pinto

Editór           : Amito Qonusere Araújo

relavante