banner 728x90

Bankada PLP ‘’Fiar’’ Preparasaun Husi CNE-STAE ba Eleisaun Jerál 2022/2023.

Situasaun meza redonda ba Diskusaun Alterasaun proposta Lei husi Guvernu konabá Eleisaun Jerál ne’ebé diskute entre Guvernu no Komisaun A Parlamentu Nasionál Iha Aisirimou, Aileu (23/06/2021).
banner 120x600

G-RTV.com(Aileu): Bankada parlamentár Partidu Libertasaun Popular (PLP), fiar no garante ba orgaun eleitorál rua, Komisaun Nasionál Eleisaun (CNE-Sigla Português) no Sekretáriu Tékniku Administrasaun Eleitorál (STAE) ba preparasaun eleisaun jerál ne’ebé tuir planu sei akontese iha tinan 2022/2023.

’Ami fiar no garante katak orgaun independente CNE-STAE sei hala’o nia preparasaun di’ak ba eleisaun jerál, tambá durante sira nia koperasaun la’o diak tebes, ita bele hare husi Eleisaun sira ne’ebé akontese antes ne’e’’. haktuir Vise-Xefe bankada PLP, Franscisco Vasconcelhos, iha âmbitu diskusaun ba alterasaun proposta lei husi Ministériu Administrasaun Estatal, iha munisípiu Aileu Villa, Kuarta Feira ne’e.

banner 325x300

Iha fatin hanesan, Diretór Jerál STAE, Acilino Manuel Branco, fortifika katak, STAE no CNE hanesan parseria ne’ebé iha relasaun servisu, presija iha kolaborasaun  forte atu fortifika relasaun servisu ne’e ba Eleisaun sira.

’CNE nu’udár parseiru ne’ebé besik liu ho STAE, durante ne’e, la’o diak tebes, iha prátika presija hametin  tan servisu hamutuk liu husi Lei, liu-liu konabá esklaresimentu matéria eleitorál no meius komunikasaun sosiál sira, atu iha informasaun ne’ebé kredível ba públiku’’. Acilino reforsa.

Ba preparasaun sira, Diretór jerál ne’e, deklara garante tebes preparasaun  ba eleisaun jerál  ne’ebé akontese iha tinan oin, tambá la’os foin mak orgaun eleitorál rua ne’e organiza.

’Ba preparasaun,  husi CNE-STAE garante tebes, tambá durante ita la’o ona, no organiza eleisaun moos la’os foin mak hahu’’. Espressa Acilino.

Iha âmbitu diskusaun ne’ebé hala’o iha munisípiu Aileu konabá proposta alterasaun tolu mak Lei Administrasaun Eleitorál, resensiamentu eleitorál, no Lei eleitorál ba Eleisaun Prezidente Pepúblika ne’ebé aprezenta husi guvernu ba Komisaun A Parlamentu Nasionál, trata assuntu konstitusionais no justisa.

Marka prezensa iha diskusaun refere, membru parlamentu husi Komisaun A, Ministru Adminitrasaun Estatal, Miguel Pereira de Carvalho ho nia Vise-Ministru Lino de Jesus Torrezão, hamutuk ho Prezidente CNE Alcino Barrís, Diretór jerál STAE.

Jornalista : Arménio.

 

 

banner 325x300

relavante