banner 728x90

Bemvindu “promesa Alterasaun LPV” iha kampanha ElPar 2023

banner 120x600

G-NEWS (DILI) – To’o oras ne’e, Parlamentu Nasionál seidauk altera Lei Pensaun Vitalísia (LPV) ne’ebé sai ajenda prinsípal iha kampanha ba eleisaun Prezidénsial no Parlamentar kada periódu tinan lima, maibé to’o oras ne’e seidauk halo alterasaun.

Tinan 2023, tinan polítika, iha ne’ebé partidu sira ka koligasaun parridária sira, sei hahú kampanha, hodi hato’o programa importante sira, inklui mós Alterasaun Lei Pensaun Vitalísia (LPV) ne’ebé fó benefísiu ba eis titular sira ho gastu Orsamentu Jerál Estadu, ba eleitór nune’e sidadaun sira ne’ebé laran monu, bele fo votus.

Dosente UNDIL Franisco Martins ba G-News, Sexta-Feira (17032023) katak, pensaun vitalísia sai hanesan buat ida ne’ebé iha oin barak iha Deputadu sira nia matan.

banner 325x300

“Pensaun Vitalísia sai hanesan buat diak. Sira sempre hakarak hetan intererese rasik, benefísiu mesak bainhira hetan oportunidade tama iha Parlamentu Nasionál, no haluha tiha sira nia misaun lolos atu halo lei no Polítika hodi liberal povu tuir promesas Eleitóral”, Nia haklean.

Tuir Nia, pensaun vitalísia sai nu’udar alvu ida hodi bele ganha votus Ho hatete dehan atu halakon bainhira ukun, no lolos sira hadomi hela Lei Pensaun Vitalísia no hakarak kontinua.

Partidu sira manipula povu nia direitu ho promesa sira, nune’e bele hetan votus, maibé hatudu ona rezultadu katak, hetan tiha asentu parlamentar, no sai ona Deputadu, ikus mai la implementa promesa sira iha kampanha eleitóral.

Iha parte seluk, Estudante UNTL Luis Martins esklarese, tinan polítika ne’e sei hamanas iha palku leten ho programa Alterasaun Lei Pensaun Vitalísia.

“Kleur ona Partidu sira nia reprejentasaun iha Parlamentu Nasionál la koalia ona altersaun lei pensaun vitalísia. Maibé agora iha palku kampanha tinan ne’e, pensaun vitalísia sei sai ajenda importante”, Nia hakotu.

Tanba ne’e, sidadaun hotu-hotu fó bemvindu ba diskusaun polítika kona-ba alterasaun Lei pensaun vitalísia.

Jornalista : Ekipa G-News
Editór Testu : Amito Qonusere Araújo

relavante