banner 728x90

Berta Sei Hametin Páz, Naimori Tatoli Lia Dame Bá Kandidatu PR Na’in 16 No Ema Hotu

Foto : Ekipa G-RTV.com
banner 120x600

Jornalísta : Arménio //

G-RTV.Com (Dili) : Kandidata prezidente repúblika (PR) ho númeru sorteiu 9, ohin, Remata kampaña eleitorál Iha Munisípiu Dili hodi promete, wainhira sai PR eleita períodu 2022-2027 , sei hametin páz no tane-ás estadu direitu demokrátiku.

banner 325x300

“karik povu tomak hili ha’u sai PR eleita, mak, hametin páz no tane-ás estadu direitu progresu no prosperu ba povu tomak nia moris diak tamba iha paá mak iha dezenvolvimentu,sei laiha páz, dezenvolvimentu lala’o”, informa armanda berta liu husi nia komísiu kampaña, iha kampu futeból ai-tarak laran, suku Kampung Alor,  munisípiu Dili, kuarta feira ohin, 16/03/2022.

Nia hatutan liu tán, sai prezidente repúblika eleita iha mandatu tomak,  sei halo tuir kompeténsia no dever sira ne’ebé hatur ona iha konstitusaun RDTL.

”PR iha kna’ar tomak atu veta ka promulga orsamentu jerál estadu nian ka husu juridisaun husi tribunál no sei halo relasaun di’ák ho nasaun viziñu sira hodi hare ba ita nia nasaun no hare di’ák ba seguransa PNTL no F-FDTL tamba sira mak lutu ba estadu soberanu no diálogu ho entindade hotu hotu liu liu parlamentu nasionál, guvernu  no tribunál’’, Tenik atuál prezidente partidu KHUNTO ne’e.

Iha fatin hanesan, konselleiru máximu partidu KHUNTO, José Dos Santos ‘’Naimori Bucar’’, tatoli mós nia lia dame bá kandidatu PR 2022-2027, hamutuk na’in 16 ne’ebé ohin termina ona nia kampaña eleitorál.

’Nu’udár timor-oan, ita kontribui ba páz, liu-liu bá kandidatu na’in 16, karik ita koalia buat ruma sala durante kampaña labele fó sala bá ida, ne’e polítika’’, Dehan Naimori.

Atuál membru konsellu estadu ne’e, halo mós apelu ida bá militante partidu no kandidatu sira hotu nian atu respeita regra eleitorál ne’ebé CNE fó sai ona.

‘’Ita hotu hakmatek, labele uja atributu partidu nian, tenke kumpri regra CNE, atu nune’e ita bá vota ho konsiénsia rasik, tene la’o tuir nia dalan, matan moris neon na’in’’. Apelu Naimori perante komunidade, militante no apoiante Armanda Berta no KHUNTO nian.

Nia mós espressa nia orgullu bá Armanda Berta hanesan nia espoza tambá hetan parseiru ida ne’ebé iha vizaun di’ák no preparadu atu serví nia povu.

Nune’e mós iha kampaña ne’e observa husi CNE, PDHJ inklui observador nasionál balun no internasional, hetan seguransa husi PNTL. (REMATA).

banner 325x300

relavante