banner 728x90

BRAC Apoia PR Hadia Problema Saúde, Edukasaun no Agrikultura

banner 120x600
7 Views

G-NEWS (DILI) – Prezidensia da Repúblika koordena servisu hamutuk ho Organizasaun Internasionál Asia Region and Humanitaria Programme (BRAC) hodi apoia servisu Prezidensia Repúblika iha área nutrisaun, saúde, edukasaun no agrikultura nian.

Assor Politiku Prezidente Repúblika, Tomas do Rosario Cabral informa enkontru ne’e importante, tanba BRAC rona politika prezidensia nian hodi koopera no buka apoia hodi fó susesu ba servisu prezidensia nian iha área kombate nutrisaun, saúde, edukasaun no agrikultura durante mandatu prezidente nian.

banner 325x300

Enkontru ne’e partisipa direita hosi hosi Direitór Asia Region and Humanitaria Programme (BRAC), Sajedul Hasan no ekipa hodi konvida mós Diretór Eskola Téknika Vokasionál Koléjiu Fatumaka-Baukau, Pe. Elígio Locatelli hodi fahe esperensia ba BRAC.

BRAC konsidera Eskola Téknika Vokasionál Koléjiu Fatumaka-Baukau nu’udar referensia ba eskola hotu iha Timor-Leste, tanba produtivu produs rekursu kualifikadu no durante tinan barak eskola ne’e hala’o servisu agrikultura nian hodi prudus varidade produtu lokál hodi apoia aihan komunidade ne’ebé presiza liu.

Diretór Eskola Téknika Vokasionál Koléjiu Fatumaka-Baukau, Pe. Elígio Locatelli agradese bele servisu hamutuk ho prezidensia repúblika no BRAC bele hala’o vizita too sira nia fatin Fatumaca hodi haree direita progresu servisu iha ne’eba.

“Ne’e enkontru di’ak ida atu ita bele servisu hamutuk iha hodi haree ita nia problema nutrisaun, maibé ha’u hakarak sira bele vizita ba too Fatumaca haree direita servisu iha ne’ebá,” dehan Padre Locatelli.

Iha oportunidade ne’e, Padre Locatelli entrega mós relatóriu servisu ba prezidente kona-ba apoiu prezidente hodi fornese kombustivel 5000 litru hodi enxe trator fila rai halo natar no toos iha loron 04 Novembru 2022.

Padre dehan, ho apoiu PR nian ne’e populasaun agrikultur sira konsege produs aihan lubuk ida hanesan foos, batar, aifarina no produtu seluk tan.

“Ha’u mai entrega mós relatóriu progresu servisu agrikultor nian foin lalais la’o di’ak tebes hodi produs hahan barak iha ne’eba (Fatumaca) nia hatete.

Nai Lulik ne’e mós prekupa dadaun ne’e produsaun aihan menus iha teritóriu Timor-Leste, tanba natar toos agrikultór nia barak maka mota sobu durante inundasaun iha tinan kotuk too agora la iha solusaun.

Nia husu ba Governu Timor-Leste atu halo intervensaun urjensia hodi bele rezolve problema menus aihan hodi labele fó impaktu ba povu sofre krize aihan no hamalaha.

Entretantu, Direitór Asia Region and Humanitaria Programme (BRAC), Sajedul Hasan seidauk bele fó komentariu, tanba sei hala’o enkontru ho Xefe Estadu Ramos-Horta hodi bele rona orientasaun PR hodi bele informa mós sira nia programa atu apoiu prezidensia republika, governu no sosiedade Timor-Leste.

Jornalista: Ekipa G-News

Editór Textu: Amito Qonusere Araújo

relavante