banner 728x90

CASDT La Iha Kandidatu Atu Kompete Iha Eleisaun Prezidensiál Tinan 2022

banner 120x600

G-RTV.Com (DILI) : Partidu Centro Ação Social-Democrática Timorense ( CASDT) ba Eleisaun Prezidensiál (ELPR)  tinan 2022, afirma, la iha kandidatu husi husi partidu atu kompete iha eleisaun refere.

‘’Ami deklara katak la iha kandidatu ida Husi CASDT atu kompete iha eleisaun prezidensiál 2022 no to’o agora seidauk  iha desijaun ida atu apoiu fali futuru kandidatu ruma ne’ebé sei mosu’’. Hateten konselleira CASDT, Aida Osorio Soares, iha sede nasionál, kinta ne’e.

banner 325x300

Espoza husi fundadór CASDT saudozu Gil Alves ne’e, esplika liu tan, partidu nia preparasaun la’ós bá Eleisaun Prezidensiál maibé ba Eleisaun parlamentár ne’ebé sei akontese iha tinan 2023.

‘’Agora ami servisu atu  hametin tan ami nia partidu iha baze hodi prepara ba Eleisaun parlamentár 2023,  maibé karik kandidatu ruma hakbesik mai ami, CASDT sei koalia no tetu hamutuk hodi deside’’. Esplika fontes ne’e.

Entertantu, CASDT harii iha tinan 2015 no konkorre ona iha eleisaun parlamentár tinan 2017,  no tuir informasaun ne’ebé G-RTV.com assesu katak partidu ne’e transforma husi partidu istóriku Assosiação Sosiál Democrática Timorense (ASDT) ne’ebé istórikamente lidera husi saudozu proklamadór Francisco Xavier do Amarál.

Jornalista : Arménio.

relavante