banner 728x90

CDTL prátika Mal-Jestaun ba atleta nasionál

banner 120x600
4 Views

G-NEWS (DILI) – Atleta nasionál sira kompostu hosi boxe, Karate, Taekwondo, Siclismo, no volleyball praya lamenta ho atendimentu hosi Confederasaun Desportu Timor Leste durante ne’e.

Treinador Boxe Abilio Orlando dos Santos informa ba G-News Kinta-Feira (30032023) iha El Matadór Gym Bidau-Lecidere (Ótel Ventura) hateten, durante ne’e kompanha ne’ebé hetan kontratu hosi CDTL hodi fornese ai-han ba atleta nasionál sira, la iha nutrisaun diak.

banner 325x300

Alende ne’e, ekipamentus hanesan farda ne’ebé uza nakles tanba la iha kualidade.

” Companha ne’ebé fornese ai-han ba atletas nasionál hanesan boxe, karate, Taekwondo, Siclismo, no volleyball praya, la iha nutrisaun no proteina. Nomos ekipamentu farda ba atletas no treinador sira laiha kualidade. Seidauk uza fulan ida maibé nakles ona”, Abilio informa ba G-News.

Abilio mós preokupa kona-ba osan ba ai-han ne’ebé apoiu ba atleta nasionál sira, kada ema ida ho válor dollar 18,75.

Treinador ne’e salienta, ho ai-han ne’ebé la iha nutritivu, sei prejudika ba preparasaun atleta nasionál sira, ne’ebé atu partisipa iha eventu nasionál, rejionál no internasionál, tanba tuir Nia, situasaun ne’e akontese, atu tama fulan ida.

“Ami kestiona  problema ba hahan ne’e kleur ona. Iha federasaun lima mak iha kajerna PM ne’ebá. Federasaun sira seluk hanesan Karate, Taekwondo, Siclismo no Volleyball praya labele kestiona tanba sira nia eka iha CDTL ne’ebá, entaun sira labele koalia”, Abilio hakotu.

To’o informasaun ne’e fó sai, G-News seidauk halo konfirmasaun ho CDTL.

Jornalista        : Ekipa G-News

Editór Testu    : Amito Qonusere Araújo

relavante