banner 728x90

CITL Lidera Prezidénsia SEAPC-Net Períodu 2023 to’o 2025

Imajen: Membru SEAPC-NET hosi nasaun Dewan Press Indonézia, Myanmar, Thailandia no Timor Leste // CITL
banner 120x600
40 Views

G-NEWS (DENPASAR) – Konsellu Imprensa Timor-Leste lidera Prezidensia Organizasaun Southeast Asian Press Council-Network (SEAPC-Net) períodu tinan 2023 to’o 2025, liuhosi enkontru segunda asembleia jerál, ne’ebé realiza iha Bali, Indonézia, iha kuarta-feira, loron 29 fulan Novembru tinan 2023.

Tuir estatutu SEAPC-Net, tranferénsia lideransa SEAPC-Net bazeia ba órden alfabetu, nune’e, tuir loloos, hafoin Dewan Pers Indonesia maka lidera prezidénsia organizasaun SEAPC-Net hosi tinan 2019 to’o 2023, kontinua kedan hosi Myanmar Press Council, The National Press Council of Thailand.

banner 325x300

Maibé, Myanmar ho Thailandia seidauk prontu atu lidera organizasaun SEAPC-Net, nune’e liuhosi Asembleia Jerál, membru sira deside entrega Prezidénsia SEAPC-Net ba Konsellu Imprensa Timor-Leste.

Tuir organograma, Prezidente SEAPC-Net mak Otélio Ote (atúal Prezidente CI), Sekretáriu Jerál Benevides Correia Barros (atúal Konselleiru CI), Vise Prezidente Ohn Maung (Chairman Myanmar Press Council – MPC), Diretór SEAPC-Net Konsellu Imprensa Timor Leste maka Amito Qonusere Araújo (atúal Konselleiru CI), Diretór SEAPC-Net Indonézia Ninik Rahayu (atúal Chairwoman DPI), Diretór SEAPC-Net Thailandia Chavarong Limpattamapanne (atúal The National Press Council of Thailand) no Diretór SEAPC-Net Myanmar maka Zaw Than.

Segunda asembleia SEAPC-Net ko’alia kona-ba amandamentu ba enkuadramentu legál (estatutu) organizasaun SEAPC-Net nian, espansaun organizasaun ba Conselho de Imprensa sira iha Azean atu bele hola parte iha rede ne’e.

Aleinde ne’e, ko’alia mós kona-ba sustentabilidade SEAPC-Net nian iha futuru, liu-liu oinsá bele kria programa atividade sira bazeia ba misaun no vizaun organizasaun SEAPC-Net nian.

Hosi enkontru ne’e, forum aseita haruka invitation ba Cebu Citizen Press Council no sei hatama aplikasaun ba sekretariu Jeral SEAPC-Net hodi aplika sai membru Asosiadu. Maibé antes hala’o ne’e, presiza kria uluk online meeting ho organizasaun mídia sira hodi introdus SEAPC-Net molok konvida sira atu hola parte iha membru Asosiadu SEAPC-Net.

Alende ne’e, haruka delegasaun ida ba Kambodia no Malayzia hodi bele hare diretamente sira nia ezisténsia organizasaun ba Mídia no Jornalista sira, kontribuisaun (Fee membership) ne’ebé mantein ho dollar atus ida Amerikanu kada tinan, ne’ebé maneja hosi Sekretariadu.

Tuir planu, membru organizasaun ne’e sei halo amandamentu ba Estatutu SEAPC-Net, no board ba Diretór, sei realiza enkontru iha Kapitál Bangkok, Thailandia iha fulan Dezembru tinan 2024, no terseira Asembleia sei hala’o iha Myanmar, iha tinan 2025.

Entertantu segunda asembleia jerál SEAPC-Net, hala’o iha Ótel Le Meriam, Bali, ne’ebé partisipa hosi Dewan Pers Indonesia, Myanmar Press Council, The National Press Council of Thailand no Conselho de Imprensa de Timor-Leste.

Jornalista       : Ekipa G-News

Editór Testu : Amito Qonusere Araújo

relavante