banner 728x250

CNE Sei Organiza Debate Nasionál, Ángela Kestiona Kapasidade Língua Husi Kandidatu Sira

Prezidente CNE // Foto: esploridu.
banner 120x600

Jornalísta : Arménio //

G-RTV.com (Dili) : Komissaun Nasionál Eleisaun (CNE-Sigla Português) sei organiza debate nasionál ba kandidatu Prezidente Repúblika períodu 2022-2027 ne’ebé hamutuk sidadaun na’in 16.

banner 325x300

Realizasaun ba debate nasionál ne’e, CNE sei hare ba kalendáriu kampaña husi kandidatu sira ne’ebé admitidu.

‘’Tuir kalendáriu kampaña hahu loron  2-16 Marsu 2022, ita sei hare oras ida ne’ebé ita bele realiza’’, deklara Prezidente CNE, José Belo iha salaun CNE (Dili), 15/02/2022.

Prezidente ne’e informa moos, antes realiza debate, sei halo konkordánsia ba tempu no loron ho parte kandidatura sira nune’e bele organiza di’ák liu tan debate ne’e.

Iha fatin hanesan, Kandidata Prezidente Repúblika, Angela Freitas iha diskusaun ho CNE, nia kestiona liu kapasidade kandidatu sira inklui língua.

’ Ha’u kestiona konabá kritéria kandidatura, tambá fasil tebes, tuir lolos haree ba kapasidade língua, saúde, kapasidade finanseiru’’, dehan Angela Freitas.

Nia husu atu hadia kritéria  tambá sei sai problema ida ba futuru, inklui subsídiu ba kandidatura sira nian hanesan hatun kandidatu nia dignidade ho razaun kandidatu sira la’ós tambá $4 atu kompete maibé iha vontade.

Etretantu, tuir planu, Tribunál Rekursu sei dada sorteiu iha loron aban ba  númeru kandidatu sira iha buletim votu ne’ebé sei aprezeta iha loron eleisaun, 19/03/2022. (Remata).

 

banner 325x300

relavante