banner 728x90

Covid-19 : Rezidente Kuarantena no Komunidade Manufahi La Simu Ekipa Covid-19.

Ekipa Covid-19 iha Kuarantena Orbo, Manufahi //Foto : ARS
banner 120x600
15 Views

 G-RTV News (16/04/2021): Vídeo ne’ebé virál iha media sosiál konabá dezentendimentu entre rezidente kuarentena Orbo no ekipa Covid-19 munisípiu Manufahi, G-RTV hala’o kedas kontaktu via-telefone ho administradór Munisípiu Manufahi hodi konfirma konabá kazu dezentendimentu refere.

Kazu dezentendimentu  akontese, tuir Administradór Munisípiu informa katak bainhira iha óras dader tuku 07:00 ÓTL resin, ekipa Covid-19 munisípiu ba iha fatin kuarantena atu halo evakuasaun ba pasiente na’in 12 ne’ebé detetadu pozetivu Covid-19.

banner 325x300

‘’Foin Lalais, ekipa halo teste Swab no hasai rezultadu katak deteta estudante na’in 12 pozetivu, nune’e ekipa Covid-19 munisipál ohin dader (16/04) ba halo evakuasaun maibé sira ne’ebé detetadu la aseita atu lori ba izolamentu’’. Haktuir Adminitradór Arantes Isaac Sarmento.

Administradór ne’e esklarese liu tan katak, husi pasiente detetadu sira ne’ebé la aseita evakuasaun, hetan mós reasaun husi rezidente kuarantena sira seluk hodi hamosu dezentendimentu ne’ebé rezulta estragus iha fatin kuarantena.

’Pasiente detetadu sira ne’ebé la simu evakuasaun ne’e, hamosu reasaun husi nia maluk sira seluk hodi halo problema ho ekipa Covid-19 no balun baku rahun vidru ’’ Haktuir Nia.

Bainhira líder Administrasaun Munisípiu to’o iha fatin, hakalma kedas situasaun no obriga líder ne’e tenke simu liafuan ne’ebé la merese.

‘’Ha’u to’o iha fatin ne’ebá, hau esplika didiak ba sira, balun mai ho linguazém ne’ebé la merese no seluk hakilar la fiar Covid-19 maibé ha’u fo nafatin esplikasaun katak regra mak hanesan ne’e tamba mai husi OMS no guvernu rasik katak tenke ba izolamentu atu evita da’et’’. Fontes fortifika.

Husi esplikasaun ne’ebé iha ekipa halo kedas evakuasaun ba pasiente na’in 12 ne’ebé detetadu Covid-19, no tuir planu, pasiente hirak ne’e tenke evakua mai iha izolamentu Dili, maibé iha kestaun balun nune’e ekipa Covid-19 no Servisu Saúde Munisipál deside evakua pasiente hirak ne’e ba fatin izolamentu iha kazerna PNTL Munisipál.

Konabá agregasau fízika husi membru PNTL munisípiu Manufahi, Administradór fo sasin iha terrenu katak la iha agregasaun fíziku ne’ebé akontese entre komunidade balun no rezidente kuarantena iha fatin akontesimentu maibé prezensa PNTL atu assegura no hakalma situasaun.

‘’ha’u rasik mak ohin iha ne’ebá maibé la iha agregasaun fízika ne’ebé akontese entre PNTL no rezidente no komunidade balun ne’ebé iha terrenu iha de’it mak baku rahun vidru, ne’e entrega ba PNTL atu prossesa ba oin’’, Arantes fo sasin.

Diretora Servisu Saúde Munisípiu Manufahi fortifika tan katak  dadús ba rezidente sidadaun sira ne’ebé iha kuarantena Orbo hamutuk 192, maioria husi estudante ne’ebé viázem ilegalmente sai husi Serka sanitária munsípiu Dili.

‘’Sira ne’ebé hela iha Kuarante Orbo Same, hamutuk 192, maioria estudante ne’ebé ilegalmente sai husi territóriu serka sanitária Munisípiu Dili no to’o ohin, husi rezultadu teste deteta hamutuk ema na’in 12’’ fortifika diretora Florencia Corte-Reál Tilman.

Konabá iha dezentendimentu refere, doutora informa liu tan, la’ós de’it hirak ne’ebé iha kuarentena maibé inklui mós komunidade no membru PNTL ida mak mai halo asaun refere.

‘’Sira ne’ebé mai halo asaun ida ne’e la’ós de’it sira ne’ebé kuarante maibé inklui komunidade no membru PNTL ida tamba la simu nia oan pozetivu Covid-19 tuir rezultadu teste Swab’’. Espresa doutora.

Jornalista : Arménio.

 

 

 

 

 

 

 

relavante