banner 728x90

Dalaruma inísiu outubru kaderneta Passaporte seidauk to’o

Imajen: Google
banner 120x600
1 Views

G-NEWS (DILI) – Ajente tékniku Diresaun Nasionál Rejistu no Notariadu (Ministériu Justisa), ne’ebé G-News lakohi públika nia identidade informa, iha sexta-feira (29092023) katak, ho informasaun kona-ba prosesu transportasaun kaderneta passaporte RDTL ne’ebé atu mai iha inísiu fulan outubru sei la akontese, tanba seidauk iha sinál.

Tuir fontes konfirmadu G-News ne’e katak, posibilidade kaderneta Passaporte RDTL sei to’o iha Timor iha fim fulan outubru ka meadu fulan Novembru tinan ne’e.

banner 325x300

“Maun passaporte dehan atu mai iha inisiu fulan outubru ne’e, ha’u hanoin seidauk karik, tanba to’o oras ne’e mós seidauk iha sinal”, hateten fontes ne’e ba G-News.

Bainhira G-News husu kona-ba karta komunikadu hosi Ministériu Justisa katak, kaderneta passaporte RDTL sei to’o iha inisiu fulan outubru, fontes ne’e konfirma katak, ne’e hanesan deklarasaun polítika hosi governante, maibé prosesu atu mai ne’e laos buat fasil.

“Ne’e hanesan deklarasaun señor Ministru nian, mais prosesu ne’e laos fasil, tanba tuir ami hatene katak, prosesu sira atu haruka mai ne’e laos fulan ida ka fulan rua, maibé preparasaun sira tenke fulan-6 antes, ka dalaruma mós tinan ida”, fontes ne’e konfirma.

 Sidadaun ida Ermundo dos Santos Ferreita, ne’ebé G-News hasoru iha Edifísiu DNRN (sexta-feira 29092023) loraik iha Mandarin informa, sente triste ho situasaun nasaun nian, liu-liu Ministériu Justisa ne’ebé responsável ba trata kaderneta Passaporte falla kleur tebes, fó impaktu ba estudante no traballador sira labele hala’o viajen, liu-liu sidadaun sira ne’ebé atu akompaña tratametnu médiku família nian iha rai-liur.

“Ba ha’u ne’e falla boot ida, no governu tenke toma responsabilidade, no tau prioridade ba programa governu nian, nune’e kada tinan ne’e sidadaun sira ne’ebé atu renova ka trata passaporte foun labele impede tanba ne’e nesesidade orjente. Ita mós labele fó sala ba Governu atuál, maibé Ministériu Justisa tenke uja autoridade Estadu nian hodi halo lalais”, Nia haktuir.

Tuir nia, kuandu governu mak trata la di’ak ona ho prosesu ne’ebé kleur, oinsa loos ho kompaña nasionál no internasional ne’ebé trata, tanba empreza sira tenke tuir rekejitus, no ninia implikasaun mak sidadaun sira nia nesesidade.

“Governu mak atende la di’ak ona, oinsa ho kompaña sira, ne’e mais pior liu prosesu kleur tebes. Tanba ne’e ita husu ba governu tenke uza ninia autoridade, ninia diplomásia hodi bele rejolve lalais, se lae sidadaun sira mak sai vítima hela de’it”, nia hakotu

 Tuir karta komunikadu Imprensa, ne’ebé G-News asesu katak, normalmente kadernete pasaporte demora mais ou menos fulan 12 atu produs, iha fulan marsu 2023 kompañía internasional hahú prosesu produsaun ba kadernetas hamutuk 73.150 tuir kontratu selebra fulan marsu 2023.

Tanba ne’e iha fulan Agosto 2023 Ministério Justiça, depois hare ba kestaun balun, foti medidas selebra kontratu direta ho kompañia internasional ne’ebé antes ne’e fornese ona hamutuk ko kompaña nasionál.

“Tuir kalendáriu atu entrega kaderneta pasaporte ne’e konforme akordu, sei entrega primeira parselo entre final fulan Setembro, no inisiu fulan 2023 mai Timor-Leste”, dehan komunikadu Imprensa G-News asesu hosi Gabinete Ministru Justisa, kinta-feira (29/09).

Nune’e, iha loron 05 Agostu 2023, Ministru Justisa, Amândio de Sá Benevidas ho ekipa desloka ona ba nasaun Finlandia hodi halo validasaun no aprovasaun finál hodi kompaña Visi-Mitra no Thales hahú produs kaderneta pasaporte faze d-ahuluk sei mai Timor-leste rihun 16.

Entretantu, iha loron 27 Setembru 2023,  Governu liuhosi Konsellu Ministru (KM) delibera ona hodi aprova halo prosedimentu ajuste diretu urjente ho empreza Thales DIS Singapore PTE LTD, hodi fornese unidade kaderneta pasaporte eletróniku (epassport) hamutuk 73.150.

“Proposta ne’e aprezenta hosi Ministru Justisa, Amândio de Sá Benevides, ne’ebé hetan ona aprovasaun,” dehan Ministru Prezidénsia Konsellu Ministru, Agio Pereira, hafoin reuniaun ezekutivu, iha Palásiu Governu, kuarta (27/09).

Molok ne’e, Governu anterior deside empreza Visi Mitra no Thales International hosi Finlándia halo produsaun ba kaderneta pasaporte Timor-Leste, ne’ebé konsege rezolve ona prosesu lubuk ida hanesan selebra kontratu no halo pagamentu.

Provizóriamente Governu hakarak simu uluk kaderneta pasaporte 16.000 hodi atende situasaun ne’ebé ema barak presiza urjénsia.

Tanba iha ona akordu entre Governu ho empreza, tanba ne’e responsável garante katak sira sei aselera prosesu no fornese kaderneta. Orsamentu ne’ebé prevee hodi halo produsaun kaderneta pasaporte ho motante $212.000.

Jornalista       : Ekipa G-News

Editór Testu : Amito Qonusere Araújo

relavante