banner 728x90

Deklarasaun Dirizente Organizasaun Iks Ptl Ho Arte Ritual 77 Relasiona Ho Akontesimentu Ne’ebé Iha Dili Foin Lalais Ne’e

banner 120x600
41 Views

Dili; 26/03/2021(G-RTV) Sekretáriu Estadu Joventude no Desportu, bolu responsavel husi organizasaun rua halo deklarasaun ba membru sira iha edefisiu Sekretáriu Estadu Joventude no Desportu Largo Lesidere Sexta Feira ne’e, atu bele hakmatek iha idak-idak nia fatin hodi kombate pandemia Covid-19 no kontribui ba establidade iha Timor-Leste.

Governu liu husi Sekretáriu Estadu Joventude no Desportu preokupa kazu ne’ebé mak foin akontese iha kapital Dili, ne’ebé membru balun husi organizasaun Iks Ptl halo agresaun fíziku hasoru membru arte ritual 77,  viral iha mídia sosiál ho  nune’e mak Sekretáriu Estadu Joventude no Desportu Abrão Saldanha bolu lider organizasaun rua ne’e atu buka hatene informasaun kona-ba konflitus ne’ebé foin dadauk akontese iha Dili entre organizasaun Iks Ptl ho arte ritual 77 ne’e, tur hamutuk hodi buka solusaun ba kazu ida ne’e no ba futuru

banner 325x300

“Ohin enkontru ho organizasaun rua 77 ho IKS no idak-idak mai aprezenta kona-ba saidá mak sira nia organizasaun rasik mai haree husi kazu ida ne’e, no oinsá mak bele buka solusaun ba  kazu ida ne’e, husi agora no ba futuru, ida ne’e mak ami diskuti hela, no Solusaun pratikamente kestaun sira ne’e iha hela investigasaun polísia ninian. organizasaun rua ohin ha’u apela ba sira nain rua tanba membrus ka ema sira ne’ebé halo krimi ne’e, presiza responsabiliza alias tenki fó hatene ba membrus sira atu labele atua ho situasaun ne’e lori organizasaun nia naran” 

Tuir responsablidade husi organizasaun arte ritual 77 Abilio Soares ba jornalista sira hafoin remata enkontru ho Sekretáriu Estadu Juventude no Desportu hateten kazu ne’ebé akontese iha loron hirak liu ba ne’e, kazu individual no kopera ba estadu hodi julga tuir lei no justisa tanba organizasaun ritual 77 nunka haruka atu halo problema

“Husu ba joventude loriku asuwain membrus organizasaun rituais no kulturais 77 iha Timor laran tomak, espesiál ba hirak ne’ebé mak hela iha kapital Dili, ami hahi no hadomi relasiona ho aktus komprontasaun ne’ebé foin lalais akontese iha Dili, situasaun ida ne’e provoka konflitus, violensia no lori konsekuensia negativu barak tanba ida ne’e lori uma bee no ahi ami lideransa nasionál apela ba membrus organizasaun rituais no kulturais 77 katak halakon no hakribi violensia no deskriminasaun bazeia ba organizasaun rituais hodi kontribui dame no hakmatek iha ida-idak nia bairu, hadook-an husi hahalok provokativu sira hanesan deskriminasaaun ba malu, liafuan sira ne’ebé iha tendensia atu kria violencia nafatin esperitu unidade nasionál, karik se mak halo krimi ne’e la’os responsablidade organisazaun nian maibé idak-idak nia responsablidade hodi entrega ba autoridade seguransa no justisa atu bele lao tuir lei ne’ebé iha”haktuir nia

Iha fatin hanesan prezidente husi organizasaun arte marsiais Iks Ptl, Silvestre Xavier Sufa, fó mós nia mensajen ba membru sira iha Timor laran tomak katak organizasaun laiha autorizasaun atu halo violensia ka torturasaun metódu hanesan ne’e, tanba organizasaun iha nia rezimentu rasik.

ha’u atu avizu ba sira katak iha fatin ne’ebé de’it bainhira  iha tendensia ne’ebé mak imi hasoru, organizasaun la autoriza no buat hotu-hotu tenki tuir valores ne’ebé konsagra iha instituisaun organizasaun orgániku no rezimentu nia laran, profisaun ba ema hotu-hotu atu bele rai ida ne’e ita presiza tur hakmatek tanba ita hatene katak agora dau-dauk situasaun serka sanitária, ita hotu-hotu tenki fó kontribuisaun ba dezenvolvimentu paz hakmatek, ita hein katak situasaun pandemia ida ne’e bele remata ho di’ak”dehan nia

Prezidente organizasaun Iks Ptl apela nafatin ba memru sira katak tenke tuir regras organizasaun nian atu bele kontribui ba dame, no sé mak hakarak kria problema ne’e responsablidade idak-idak nian hodi tuir lei no justisa iha Timor-Leste, tanba organizasaun arte marsiais Iks Ptl la autoriza nia membru sira halo problema.

Lider máximu organizsaun Iks Ptl ne’e rekoñese katak lei seidauk fó autorizasaun ba arte marsiais sira no bandu atividade labele la’o, tanba ne’e buat hotu hein husi Sekretáriu Estadu no Prezidente Kram nian

 “Hanesan lideranca apela nafatin liu husi mekanismu oinsá ita bele hato’o nafatin katak buat hotu tenki kontrola depois tur hakmate atu nune’e  labele  hamosu konflitus maibé temporarimentu ami sidauk bele iha dala atu hasoru malu tanba lei no.5 sidauk fó dalan ba ami atu bele orienta no halo koperasaun ho elementus sira hosi kraik sidauk bele” hateten nia

Relasiona ho deklarasaun husi organizasaun rua ne’e espera katak membru sira bele tau ba neon ho fuan laran atu bele kontribui ba dezenvolvimentu no hamutuk nafatin hodi luta hasoru virus Corona iha Timor-Leste.

Jornalista       : Domingos Moreira

Editór             : Alves Pinto

 

 

relavante