banner 728x90

Deputada Olinda laos boot iha partidu Khunto

banner 120x600
23 Views

G-NEWS (DILI) – Relasiona ho deklarasaun deputada Olinda Guterres iha Parlamentu Nasional, hasoru Konselleiru Másimu Partidu KHUNTO José Naimori Bucar tanba de’it demite hosi kargu Prezidente bankada Partidu KHUNTO nian iha Parlamentu Nasional, ikus mai estrutura partidu KKHUNTO munisípiu Dili hasai deklarasaun hodi defende integridade partidu.

Reprejentante hosi estrutura Partidu KHUNTO munisípiu Dili, ne’ebé asina nota imprensa, informa ba jornalista sira, depoin lee sai komunikadu imperensa, hateten, partidu KHUNTO moris la depende ba deputada Olinda Guterres.

banner 325x300

“Señora Olinda laos boot ida iha Partidu Khunto, in-ejisténsia señora Olinda nian iha Khunto, Khunto nafatin Viver, Khunto nafatin survive, Khunto agora hetan purvolta cinquenta e dois mil votus, ne’e laos ema haree de’it personal señora Olinda Guterres, maibé ne’e servisu koletivu”, reprejentante ne’e haktuir.

“KHUNTO kuandu nakdoko bainhira Povu Timor la fiar KHUNTO, ida ne’e mak KHUNTO tauk, tanba KHUNTO nia patraun mak Povu Timor, laos señora Olinda”, nia kontinua.

Tuir nota imprensa ne’ebé fó sai hosi estrutura Partidu KHUNTO munisípiu Dili, liuhosi konferénsia imprensa, sira konsidera ho deklarasaun deputada Olinda Guterres iha loron 13 fulan fevereiru tinan 2024 la iha maturidade polítika reprezentativu partidu KHUNTO nian iha uma fukun Parlamentu Nasional, ne’ebé fó sai hosi portavoz Mario Cobra, liuhosi konferénsia imprensa foin lalais ne’e.

“Señora deputada Olinda Guterres hetan konfiansa hosi líder supremu partidu KHUNTO no Prezidente Partidu KHUNTO durante periodu rua hanesan deputada iha parlamentu Nasiona hosi lejislasaun da lima no da neen nian ne’ebé eleitu hosi partidu KHUNTO maibe señora deputada Olinda Guterres ohin loron nega ami militantes Partidu KHUNTO Munisipiu Dili nia votos no nega mos Lider Supremo partidu KHUNTO atual inisiador no Fundar Uniko ba Partido KHUNTO”, nota imprensa hosi portavoz Mario Cobra.

Tamba ne’e, estrutura partidu KHUNTO Munisipiu Dili rezeita no kondena makas deputada Olinda Guterres nia deklarasaun iha plenaria parlamentu nasional, tanba halo violasaun ba estatutu partidu KHUNTO kona-baa nomeasaun xefe bankada iha parlamentu nasional iha artigu 16-F, númeru 2 haktuir katak “xefe bankada hetan nomeasaun hosi lider Supremu partidu KHUNTO.

Liuhosi nota imprensa ne’e mós, estrutura partidu KHUNTO Munisipiu Dili ezizi ba konsellu Lideransa Superior partidu KHUNTO atu hasai deputada Olinda Guterres hosi bankada no partido.

Iha Parlamentu Nasional, deputada Olinda Guterres hateten, líder nasional Partidu Khunto la halo konsultasaun ba nia molok substitui nu’udar xefe bandaka partidu nian.

“Ami nia Prezidente Partidu KHUNTO, nein halo konsultasaun ba ami na’in lima nu’udara deputadu iha Parlamentu. Atu hadau poder, ha’u la hadau, karik Prezidente mak hadau poder maibé ha’u lae, kuandu halo buat ida, tenke konsulta ho ha’u, tanba poder ha’u la interese ida, deputada Olinda nafatin deputada”, hateten eis xefe bankada Khunto Olinda Guterres.

Alende ne’e, estrutura partidu KHUNTO Munisipiu Dili ho nia militante no simpatizante sira mos lamenta ho deklarasaun deputada Olinda Guterres nian ne’ebé hateten, KORK mak koñese Naimori no Povu koñese Olinda, tanba ne’e sira deklara katak, sira koñese partidu tanba votu ba partidu laos ba deputada Olinda Guteres tanbá ne’e mak sira konsidera deklasaun deputada ne’e falsu no halo traisaun ba partidu

Editór Testu : Amito Qonusere Araújo

relavante