banner 728x90

Deputadu FRETILIN Husi Bobonaro Kestiona Ai-Leba Iha PPR, Lito : Ami Prontu Mate

Foto : Ell
banner 120x600

Jornalísta : Arménio //

G-RTV.com (Dili) : Relasiona ho deklarasaun Deputadu bankada FRETILIN, Fabião Oliveira husi munisípiu Bobonaro ne’ebé foin lalais ne’e kestiona ai-leba sira nia prezensa iha Palasiu Prezidente Repúblika (PPR) Ai-Tarak Laran.

banner 325x300

Iha Kestaun ne’e, reprezentante povu iha parlamentu nasionál fó razaun katak ho ai-leba nia prezensa iha PPR sei hafoer no hatun imájem Timor Leste ba mundu.

Ho  razaun ne’e, grupu ai-leba liu  husi konferénsia imprensa, hato’o sira nia lamentasaun bá deklarasaun polítika refere no konsidera PPR ne’e bá Timor-oan hotu.

“Será qué PPR la’ós Timor-oan nian?, se lae, ami ai-leba prontu atu tiru ami mate hodi nune’e bele taka kedas ai-leba hodi kria moris seluk ruma ba sosiedade ida ne’e, lalika halo ami terus demais,” Dehan reprezentante grupu Ai-Leba, Lito Da Costa Andrade iha Jardím 5 De Maio (Dili), Ohin, Sexta-Feira, 01/06/2022.

“Foin PR ida halo nune’e, ami kontente ho ida ne’e, ami sente katak nasaun ne’e ami nian, tambá ami bele tama Palaçio Prezidente, se la’e guarda munisipál duni tutuir ami,” Kontinua reprezentante Ai-Leba ne’e.

Nia aumenta tan, nunka husu osan ba deputadu sira inklui deputadu ne’ebé kestiona sira nia prezensa iha PPR hodi fornese ai-fuan ba labarik sira.

“Ami nunka husu osan ba deputadu sira liu-liu ba ida ne’ebé levanta kestaun ami ba Palasiu Prezidente ne’e, se hau mak iha nia fatin, ha’u tara-an de’it tambá lakohi goja ema seluk nia kosar ben,” Espressa Lito.

Grupu ai-leba hato’o mos, sira konxiénte PPR la’ós fatin ba merkadu maibé tambá Prezidente Repúblika atuál José Ramos-Horta mak bolu sira atu halo grupu hodi kada loron fornese ai-fuan ho montante $100 ba Prezidênsia Repúblika atu fahe ba labarik sira ne’ebé sei hala’o atividade aprendijázem no animasaun iha resintu Palasiu Prezidente.

Antes ne’e iha semana balun liu ba, grupu ai-leba hirak ne’e hala’o ona sorumutu ho assessor prezidênsia repúblika hodi kria grupu atu fornese ai-fuan.

(REMATA).

banner 325x300

relavante