banner 728x90

Deputadu sira adora liu “LPV” duke Maromak

banner 120x600

G-News (DILI) – Lei Pensaun Vitalísia oras ne’e dadauk sai fali diskusaun namanas ba sosiedade tomak, relasiona ho komprimisu Partidu Polítiku sira ne’ebé atu altera ka halakon tiha Lei ne’e, maibé to’o agora atu mandatu termina mós, lei ne’e la iha diskusaun ruma.

Iha kampanha eleitóral tinan 2017, no eleisaun antesipada iha tinan 2018, alterasaun Lei Pensaun Vitalisia, sai ajenda no programa prioritáriu ba partidu sira ne’ebé ho asentu parlamentar, inklui partidu sira ne’ebé derota iha prosesu eleisaun eleisaun durante festa demokrásia lao desde tinan 2017 no 2018.

banner 325x300

Ba Jornalista G-News, Kuarta-Feira (08032023), Outreach AJAR (Asian Justice and Right-sigla Inglesh) Inocencio de Jesus Xavier hateten, to’o oras ne’e la altera lei pensaun vitalisia, hanesan aktu obskurantismu hasoru povu.

“Lei Pensaun Vitalisia nu’udar traisaun boot ba povu maubere, tanba partidu sira ne’ebé kaer ukun iha governu da l-huluk to’o mai ohin loron, lakon sira nia moral polítika ba libertasaun povu. Iha sira nia kampanha promete maibelé la realiza, ne’e nu’udar aktu obskurantismu ba povu maubere tomak”, tenik Inocencio.

Nia hateten tan, tuir lolos Partidu polítika sira tenke tau prioridade ba povu sira nia moris.

Iha parte seluk, Ativista ida Joã Bartolomeu Pinto, ne’ebé G-News hasoru iha Kafetária Timor Plaza informa, aktu membru Parlamentu Nasionál, ne’ebé la altera lei pensaun vitalisia, tanba adora liu fali Jesus.

“Komprimisu no aktus deputadu sira nian ne’e demais. Sira duun ba malu; dehan hein lejislatura foun mak diskute. Ne’e signifika katak, sira adora Pensaun Vitalisia ne’e diak liu duke adora Jesus”, Nia ho lian makas.

” Dalabarak sira iha uma nunka adora Maromak, sira bosok povu, no iha uma, sira reja no adora barak para labele altera lei pensaun vitalisia. Ida ne’e sinal hatudu katak, ne’e traisaun boot hasoru povu, no komprimisu mesak bosok hotu deit”, João hakotu ho nervozu.

Problema barak ne’ebé povu enfrenta barak mak seidauk realiza, hanesan estrada, bee moos, problema edukasaun, saúde, no problema seluk tan.

Jornalista     : Ekipa G-News

Editór Textu  : Amito Qonusere Araújo

banner 325x300

relavante