banner 728x90

Deskonfia membru seguransa inisial AM mak tiru membru F-FDTL iha Lequintai

banner 120x600
55 Views

G-NEWS (DILI) – IHa Domingu (18022024) iha tuku 05.00 madrugada, ema deskoñesidu tiru membru forsa armada hosi komponente Navál ho identidade Soldadu Abrão do Rego Smith, iha área Lequintai, Padeiros nia oin.

Tuir informasaun ne’ebé G-News asesu katak, depois akontesimentu, departamentu operasaun hosi Forsa Armada nian simu informasaun hosi fontes sekreta no unidade Polísia Militar.

banner 325x300

“Iha tuku 05:20 dadersan, Departamento Operasaun simu informasaun husi fontes Sekreta no Unidade Polísia Militar katak, iha ema deskoñesidu ida uza kareta Hilux, kor Mutin, vidru Metan, chapa matrícula lá moos, tiru membro F-FDTL Fuzileiros-Naval nain ida iha Estrada bo’ot, Lequintai, Padeiros nia oin”, hosi fontes ne’ebé G-News, asesu iha domingu (18022024).

Depois akontesimentu, Ekipa Operasaun diretamente to’o iha lokál akontesimentu hodi identifika informasaun loloos kona-ba akontesimentu tiru ne’e, no konfirma direta ho sasin ida rua iha terrenu ne’ebé sei hader iha momentu akontese.

Tuir sasin sira ne’ebé informa ba ekipa ne’ebé rekolla informasaun iha lokal akontesimentu katak, Iha tuku 09:30, Equipa Operação conversa direta ho sasin nebe’e assiste direta akontesimentu tiru ne’e, nia hateten katak, iha oras maijumennus 05:00 dader nia assiste iha ema ida maka tun husi Kareta Hilux hodi tiru Membro F-FDTL oan ne’e, hafoin nia sae Kareta Fila liu.

Sasin ne’e koñese mós ema ne’ebé mak tiru, maibé nia hateten katak, nia mós tauk problema refere aumenta bo’ot no implika mós ba nia ho nia família, tanba ne’e nia presiza parte seguransa atu assegura nia vida.

Bazeia ba Informasaun, fontes (sasin) ne’e hateten katak, ema ne’ebé tiru ne’e membru seguransa ida hosi Unidade Informasaun no nia inicial naran bolu ka naran koñesidu AM.

Tuir Informasaun hosi komunidade ne’ebé hela besik iha lokal ne’e hateten katak, iha oras maijumenus tuku lima dáder (05:00), sira rona kilat tarutu dala rua.

“Iha tuku 05:30 dadersan, Ekipa Operasaun autoridade seguransa no S2 Polísia Militar, to’o iha lokal hodi halo Identifikasaun Informasaun hosi kazu refere”, tuir nota ne’ebé G-News asesu

“Iha tuku 07:00 dadersan, Tenente General Falur Rate Laek ho Eskoltu sira to’o iha fatin akontesimentu. Iha tuku 08:00 Polícia PNTL to’o iha lokal hodi halo Identifikasaun ba kazu refere no nia motive sira. Iha tuku 09:09, Tenente General Falur Rate Laek halo kontaktu nune’e, hakarak PCIC maka halo investigasaun ba kazu refere, nune’e PCIC diretamente to’o iha fatin hodi halo identifikasaun ba kazu ne’e no rekolla Closed Circuit Television (CCTV) ho versaun kompletu”, tuir nota refere.

Tuir faktu ne’ebé G-News asesu, Iha tuku 05:30 dader, ekipa Operasaun buka tuir embolku hosi bala musan ne’ebé tiru, konsege hetan embolku ida monu iha estrada laran padeira nia oin. Embolku ne’ebé hetan ekipa informa direta ba Polísia Militar hodi assegura no dada police line.

Iha tuku 08:00 dader ekipa Operasaun halo revista ba CCTV hosi loja rua (2) iha Lequintai nian, no loke CCTV haree iha tuku 05:11 hetan Kareta Hilux mutin ida maka halai liuhosi lokal akontesimentu.

Ho nota informativa, husu atu autoridade seguransa hanesan PCIC (Polísia Cientifica, Investigação Criminal) no PNTL atu halo prosesu identifikasaun no investigasaun ida mais detallu, atu nune’e bele deskobre loloos autor ne’ebé mak komete kazu tiru refere, tanba uza arma Estadu nian hodi hakanek membru forsa armada hosi komponente Naval.

Editór Testu : Amito Qonusere Araújo

relavante