banner 728x90

(DNPKK) HALO SORUMUTU HO MEDIADORES SIRA HUSI MUNSIPIU SANOLU RESIN RUA INKLUI RAEOA ATU HALO AVALIASAUN BA SERVISU NE’EBÉ DURANTE NE’E SIRA HALO

banner 120x600

Dili, 25 Agostu 2020 (G-RTV) – Ministériu Interior liu husi Diresaun Nasional Prevensaun Konflitus Komunitáriu (DNPKK) organiza semináriu Nasional  iha salaun Ministériu Interior Vila Verde, ne’ebé envolve mediadores sira husi munisípiu sanolu resin rua inklui Raeoa hodi halo avaliasaun ba servsiu ne’ebé durante ne’e mediadores sira halo iha munisípiu idak-idak.

Secretario Estadu Protesaun Civil Joaquin Gusmão hato’o ba journalista sira katak halo sorumutu ida ne’e atu halo avalisaun ba servisu mediadores sira kona-ba desafius saidá mak sira hasoru

banner 325x300

ohin ne’e halo avaliasaun ba sira nia servisu durante ne’e,  servisu halo nusa ona, desafius saidá mak sira hasoru,  ita identifika  depois ita hakarak, planu saidá mak ita halo iha oin, ne’e mak objetivu ohin ne’e para bele hamutuk ho kordenador  Munisípiu  idak-idak mai tur hamutuk no ha’u mós aproveita oportunidade ida ne’e para bele  koñese sira diak liu tan hodi bele hatene sira nia hanoin nomós sira nia planu ba oin halo nusá, tanba Servisu ida ne’e  importante tebes atu enkoraja nafatin sira para bele servisu diak liu tan hodi halo prevensaun antes konflitus ne’e akontese”

Governante ne’e informa tan katak presisa orsamentu atu halo intervensaun ba konflitus iha komunidade nia leet, maibé to’o oras ne’e Secretario Estadu Protesaun Civil seidauk simu pakote orsamentu husi Ministériu Finansas.

“Orsamentu agora dadaun ne’e ita sei halo diskusaun , tamba to’o agora  ita seidauk simu pakote orsamentu husi ministériu finansas nian, tamba ne’e mak ita sei halo de’it kalkulasaun no seidauk tau numeru fiksu iha ne’eba, maibé ha’u hakarak fó hatene de’it katak hare’e ba natureza ita nia teritóriu tomak nian katak konflitus mosu iha fatin oin-oin, ida ne’e mak ita hakarak atu bele enkoraja nafatin ita nia pesoal ne’ebé mak iha kampu,  tamba sira ne’e mak sei hasoru komunidade sira ne’ebe iha konflitus, tamba ne’e mak liu husi Diresaun Nasional Produsaun Konflitus Monitoria nafatin dever tau osan iha orsamentu jeral do estadu hodi bele apoiu servisu sira ne’ebé mak iha kampu, ita hatene katak iha kampu ne’eba barak mak hasoru difikuldade, liu-liu hanesan transporte motorizadas balun atu bele ba to’o iha sukus, ita sei menus,  ita sei tau mós osan balun, liu-liu mediador sira nian ne’ebé mak tenke ba to’o iha sukus,  maske ita labele tau hotu kedas ba iha 12 munisípiu nomós Raioa, ita tau  faze por faze,  ida ne’ebé mak ninia grau konflitus ne’e  aas,  ita konsentra uluk idepois sira seluk ne’e ita tau fali ba tinan oin”

Nia mos kestiona kon-ba rekursu umanu tanba oras ne’e daudauk pesoal sira iha kampu nia estatuto kontratadu de’it atu nune’e bele hasa’e estatutu kuzuais sira nian hodi ajenda ba administrasaun nomós aumenta tan rekursu umanu.

Iha fatin hanesan// diretór Diresaun Nasional Prevensaun Konflitus Komunitariu Antonio Viegas hateten progresu ne’ebé DNPKK halo mak problema balun konsege rezolve ona kazu hamutuk rihun rua, atus rua tolu nolu 2230 iha Timor-Leste.

Progresu durante ne’e mak ami hare’e numeru ohin halo apresentasaun iha ne’eba, progresu lubuk ida mak ami halo, no iha mós problema balun ami resolve kuaze liu ona tinan ida. Progresu ba tinan ida ne’e, ami konsege resolve kazu hamutuk 2230, ne’e kazu ne’ebé mak ki’ik, maibé kazu ne’ebé mak la konsege ba krime ne’e ami konsege resolve ho lia na’in sira no autoridade lokal sira, husi komunitaria rasik no OPS sira, ami tur hamutuk oinsá para ami resolve kedas, tamba ne’e la uza osan, dala barak kazu akontese ne’e, kazu grupu mak barak liu, ita bele ko’alia joventude sira mak barak liu, ami halo aproxima nafatin,  balun ami halo dialogu, sira simu malu fali ona, por ezemplu kona-ba progresu ami halo iha atabae to’o agora problema la iha, halo dialogu juramemntu ho kultural problema la iha, iha mós ermera Sare agora problema la iha agora dadauk ita bele dehan, Manatuto, liu-liu arti marsiais oras ne’e dadaun problema la iha agora livre para ema la’o ba lao mai, ne’e hatudu katak, progresu bo’ot ida ne’ebé DNPKK  halo”

Nia informa tan katak husi Deresaun Nasional Prevensaun Konflitus Komunitariu ne’ebé mak iha munisipiu hotu sei menus rekursu umanu, maibe sei esforsu nafatin oinsa mak bele buka solusaun ba ida ne’ebé importante liu.  

 Journalista: Alves Pinto

Editor     : Alves Pinto

banner 325x300

relavante