banner 728x90

Dom Leandro: reflesaun loron restaurasaun bele lori grasa barak

banner 120x600
18 Views

G-NEWS (DILI) – Sekretáriu-Jerál Conferência Episcopal Timorense (CET), Bispu Diocese Baucau Dom Leandro Maria Alves fó parabens ba povu Timor Leste ne’ebé selebra loron restaurasaun Independénsia 20 de Maio ba dala-22, ne’ebê sei realiza, iha segunda-feira (20052024).

Dom Leandro Maria Alves, lori sarani hotu nia naran hato’o parabens ba povu Timor Leste ne’ebé agora tama ona iha tinan 22. Nu’udar sidadaun ba rai ida ne’e sente kontente.

banner 325x300

“Tinan ida ne’e bele lori grasa barak liu tán bai ta nia nasaun, ba ita nia povu sira, atu buat hotu-hotu ne’ebé mak ita bele dehan bele mai ita hotu-hotu nia hakarak, povu nia desezu, atu bele moris di’ak, atu bele hetan dezenvolvimentu ida ne’ebé tulun sira, bele fó ksolok ba ita nia povu sira. Ida ne’e bele akontese, bele realiza ho espíritu selebrasaun ba tinan 22 Independénsia ba ita nia nasaun ne’e”, Bispu Diocese Baucau Dom Leandro Maria Alves haktuir. 

Dom Leandro: telefone halo besik sai dook, dook sai besik fali

Tuir Dom Leandro katak, Timor Leste nia independénsia desde tinan 2002 to’o 2024, povu no timoroan barak matenek no kapasidade hodi envolve iha mákina governu ba dezenvolvimentu Timor Leste nian.

“Ita haree parte estrada ninian, eletrisidade ninian, iha parte umana ninian, liu-liu ita haree katak tinan 22 ne’e, povu sira, timoroan barak mak matenek, hatudu sira nia kapasidade atu bele implementa iha ita nia nasaun, hola parte barak iha mákina governu nian”.

Lia hosi sarani Katólika ba Bispu foun Diocese Baucau

“Ne’e duni ita bele dehan katak, ita nia nasaun tebes duni iha hela faze hakat ba oin, maibé hein katak iha faze ida ne’e, bele aumenta liu tán maturidade ba ita nia rai, hodi bele dezenvolve di’ak liu tán ita nia rai nune’e povu nia hakarak”, Dom Leandro hakotu.

Editór Testu        : Amito Qonusere Araújo

relavante