banner 728x90

Durante ne’e iha rede nauk ikan no telemóvel iha Dili

banner 120x600

G-NEWS (DILI) – Liuhosi Servisu Informasaun Polisia Nasional (SIPN) junta ho ekipa Task Force SIPN, asegura joven mane nain-2 iha Suku Maneluana tanba envolve iha krime jerál ba kazu hadau telefone 1 hosi joven nain rua ne’ebé konduz hela motor iha area Bebonuk, iha loron 4 fulan marsu tinan 2023.

Tuir informasaun ne’ebé G-News rekolla iha pájina Serviço Relações Públicas, no fontes informasaun krédivel katak, Suspeitu na’in rua ho inisial JCS tinan 19, hosi Munisipiu Ermera, hela iha Tasi Tolu, Suku Madohi, Postu Dom Aleixo Dili. Enkuantu suspeitu ida seluk AJS alias (A), tinan 22, hosi Munisipiu Ermera, hela Tasi Tolu, Suku Madohi, Postu Dom Aleixo Dili, no suspeitu AJS nu’udar eis prizioneiru tanba komete krime ba kazu sona membru F-FDTL iha Tasi Tolu ne’ebé foin sai hosi prizaun.

banner 325x300

Hafoin rekolla informasaun, ekipa SIPN Oeste junta ho ekipa Task Force SIP no ekipa Buska, halo identifikasaun ba suspeitu na’in 2 no sira kolabora ho diak hodi entrega fali telefone ho marka IPhone-6 kor mutin, inklui telemóvel 2 seluk ne’ebé sira hadau hosi vitima seluk, iha área Ailok Laran no Palásiu Guvernu nia oin.

Vítima José Jeca de Jesus Carvalho konta kronolójia iha loron 04 abril 2023, iha tuku 1 meúdia óras Timor Leste.

“Sira uza ID falsu feto nian ho naran Celeste da Costa, hodi bosok ha’u entaun ha’u mos bolu ha’u nia kolega Remo Luis Asis Filipe, sai ba hein iha kedas eskola SD tingkat Bebonuk oin, atu hasoru malu. Maibé sira na’in rua mak mai ko’alia ho ami dehan “alin imi hein se’e?, ho nune’e sira mos lao besik mai hadau ha’u nia telefone, no halai kedas no ami hakilar duni mos la toman ona”, deklara vítima José nu’udar mós estudante iha Fárol ne’e.

Vitima na’in 2 ne’e mós agradese ba PNTL tanba halo servisu extraordinária iha loron ida deit, kaptura kedan suspeitu, no evidénsia sira.

Suspeitu AJS rekuñese, nia ho suspeitu JCS iha loron 04 abril 2023 iha tuku ida kalan, utiliza motor hadau telefone IPhone 6 ne’e.

“Los duni ami rua mak hadau telefone iphone ne’e iha Bebonuk, horbairua iha tuku 10 kalan ami hadau mos Oppo kor azul hosi mana ida ho nia oan ho motor Scoopy liu iha dalan Manleuana no iha semana kotuk tuku 8 dáder hadau mós samsung ida hosi mana nain rua ho motor beat iha Palasiu Governu nia oin.”, hateten suspeitu AJS.

Durante ne’e sira nauk asu iha dalan, nauk ikan iha kolam, no ikus liu maka nauk telfone.

Suspeitu sira prontu koopera no husu ba PNTL atu buka tuir mos suspeitu seluk ne’ebe envolve iha rede refere.

Hafoin halo identifikasaun, Xefi Ekipa SIPN entrega diretamente suspeitu nain-2 hamutuk ho evidensia telefone 3 ba Departamentu Investigasaun Kriminál Nasionál hodi halo prosesu investigasaun klean.

Jornalista       : Ekipa G-News
Editór Testu  : Amito Qonusere Araújo

relavante