banner 728x90

Eis Jornalista RTTL ida sei kandidata ba Xefe Suku iha Venilale

Ita hotu hatene, ita nia populasaun sira nia preokupasaun durante ne’e ita haree ho matan ne’e, liu-liu ejijensia prinsípal sira mak hanesan bee moos, eletrisidade, Estrada no seluk-tán

banner 120x600
49 Views

G-NEWS (DILI) – Eis Jornalista Rádiu Televizaun Timor Leste (RTTL_EP), Júlio nascimento da Silva ho vontade no konsiensia rasik, sei kandidata án ba eleisaun Xefe Suku tinan 2023.

Julio Nascimento da Silva, iha ona prontidaun, no pronto ona atu kandidata án ba Xefe Suku, iha ninia suku Bado Ho’o postu Venilale Munisípiu Baucau, ne’ebé sei akontese iha fulan Outubru tinan ne’e.

banner 325x300

Bainhira Ekipa G-News dadalia, Nia esplika, iha ona prontidaun atu kandidata ba Xefe Suku, maibe nia parte sei koordena ho família, liu-liu nia feen-kaben.

“Ha’u hakarak kandidata án ba Xefe Suku hodi serve populasaun sira. Maibé ha’u sei konfirma no koordena ho ha’u nia família, liu-liu feen-kaben, kuandu nia aseita, entaun ha’u avansa”, Júlio Nascimento da Silva, haktuir ba G-News, tersa-feira (15082023), iha nia rezidénsia.

Bainhira nia família aseita ona, Julio Nascimento da Silva, sei koordena ho nia ekipa susesu sira iha nível Suku Bado Ho’o, nune’e bele prepara materia no programa sira atu informa ba populasaun sira, nune’e bele hetan konfiansa.

Ho esperiensia ne’ebé Júlio iha, ne’e la kestionável, tanba nia envolve iha mundu Jurnalismu tinan barak nia laran, hodi halo kobertura iha área rurais, iha ne’ebé nia hatene klaru kona-ba preokupasaun populasaun nian.

“Ita hotu hatene, ita nia populasaun sira nia preokupasaun durante ne’e ita haree ho matan ne’e, liu-liu ejijensia prinsípal sira mak hanesan bee moos, eletrisidade, Estrada no seluk-tán”, Júlio haktuir.

Ho vontade Eis Jornalista RTTL-EP ne’e iha, bainhira hetan konfiansa hosi komunidade sira iha Suku Bado Ho’o Postu Venilale, Munisípiu Baucau, sei fó prioridade liu ba programa sira hanesan desportu komunitáriu, Infra-Estrutura bázika, no seluk-tán.

Bainhira Ekipa G-News husu kona-ba Desportu Komunitáriu, Eis Jornalista RTTL-EP ne’e esplika, programa desportu komunitáriu hanesan alternativu ida atu motiva joven no populasaun sira atu kria paz no estabilidade, no promove mós talentu joven sira nian, atu bele kompete sira iha nível postu to’o nível nasionál, hodi kontribui di’ak liu-tan ba prosesu desportiva.

“Ha’u iha programa barak, maibé kuandu eleitu ka hetan fiar mak foin it abele implementa, tanba ita nu’udar Jornalista, tenke hatudu faktus katak, labele ko’alia barak. Tanba ne’e mak ha’u hein de’it desizaun, kuandu fiksa ona, entaun ami sei koordena ho ekipa susesu para hala’o preparasaun, no monta estratéjia, liu-liu programa sira importante, nune’e bele implementa bainhira manan iha eleisaun. Ne’ebé ita nonok depois rejultadu servisu mak barullu”. Nia hakotu.

Se mak Nia

Júlio Nascimento da Silva, moris iha Aldeia 5 Uma Ana Ico, Suku Bado Ho’o postu Venilale Munisípiu Baucau, iha loron 02 fulan Novembru tinan 1984, oan husi Júlio Tomé da Silva no Angelina Maria Ximenes, oan-dahuluk hosi maun-alin na’in 8, mane 4 no feto 5. Nascimento oras ne’e dadauk iha ona feen kaben Josefina Belo Ximenes, ho sira na’in rua nia domin, iha oan na’in 5, mane 4 no feto 1.

Nascimento nia esperiénsia servisu, barak liu iha setór komunikasaun, liu-liu iha atividade Jurnalismu. Iha tinan 2012 to’o fulan Abril tinan 2015, Nascimento hala’o nia atividade Jurnalismu iha Mídia Diáriu INDEPENDENTE. No nia kontinua hakna’ar án fali iha Diáriu Timor Post to’o tinan 2017. Tanba iha ona esperiensia ne’ebé natoon, no hakarak atu aprende iha ambiente foun, Nascimento kontinua hala’o fali kna’ar Jurnalismu iha RTTL-EP hosi fulan Jullu tinan 2017 to’o simu ezonerasaun, iha fulan Outubru tinan 2021.

Nascimento, bainhira eleitu ka hetan fiar hosi populasaun suku Bado Ho’o, nia sei ukun aldeia 5 hanesan Uma Ana Ico, Uai Cana, Uai Bobo, Cae Ae Tula ho Uatu Bela Oli.

Tuir kalendáriu, eleisaun Xefe Suku iha territóriu Nasionál, sei akontese iha fulan Outubru tinan 2023, ho orsamentu miliaun 9 dollares Amerikanu.

Jornalista         : Ekipa G-News

Editór Testu     : Amito Qonusere Araújo

relavante