banner 728x90

Eis membru CCF hasoru orijente ho estrutura Fretilin hatu-Udo Ainaro

banner 120x600

G-NEWS (AINARO) – Sábadu (02092023) eis membru Comite Central Fretilin (CCF) José Agustinho Sequeira “Somotxho” hala’o enkontru hamutuk ho estrutura Partidu Fretilin nian iha nível munisípiu Ainaro.

Tuir informasaun ne’ebé relata hosi Jornalista G-News Asensio Amar Belo iha Suku Leolima katak, eis membru CCF na’in rua ne’e enkontru orijente ho estrutura Fretilin postu administrativu Hatu-udu, munisípiu Ainaro, hodi diskute kona-ba mudansa lideransa interna partidu Fretilin, nune’e bele hametin fila fali militante sira iha baze, atu labele derota tán iha eleisaun Parlamentár iha tinan 2028.

banner 325x300

Entertantu hahú tinan 2017, partidu Fretilin derota iha eleisaun Parlamentar, hosi kadeira 23 tun ba 19, tanba ne’e eis membru Comite Central Fretilin sira organiza estrutura nível munisípal Ainaro ho objetivu atu halo mudansa lideransa partidu nian.

Antes ne’e, eis membru Fretilin hanesan José Agustinho Sequeira “Somotxho”, Rui Maria de Araújo, Osorio Florindo no Matebian Saudozu José Luis Lobato ho estrutura munisípiu balun ejiji ba Prezidente partidu Fretilin Francisco Guterres Lú olo no Sekretáriu-Jerál Marí Alkatiri atu realiza kongresu ekstra-ordináriu no eleisaun direta, ho objetivu atu halo mudansa ba estrutura atuál.

Informasaun kompleta, akompaña reportajen Jornalista G-News Asensio Amar Belo, liuhosi pájina ofisial Facebook no Youtube G-News Tatoli ita lian.

Jornalista       : Asensio Amar Belo

Editór Testu : Amito Qonusere Araújo

banner 325x300

relavante