banner 728x90

Ekipa KTE atualiza progresu servisu implementasaun Programa identidade úniku

banner 120x600

G-News (DÍLI) – 13 Dezembru 2022, Ekipa Komisaun Teknikal Eventual (KTE) Hala’o Reuniaun Da- Ikus ba Tinan 2022 Hodi Atualiza Progresu Servisu Implementasaun Programa Identidade Úniku Ne’ebé Organiza Hosi Ajénsia TIC TIMOR Liu Hosi Diresaun Identidade Úniku (IDU).

Iha reuniaun ne’e, Diretór Ezekutivu Ajénsia TIC TIMOR I.P, Roberto Caitano de Sousa Vicente hanesan mós Koordenadór Komisaun Teknikal Eventual (KTE) hatete, objetivu prinsipál hosi sorumutu ne’e, atu atualiza progresu servisu ne’ebé mak atinje ona iha 2022.

banner 325x300

Reuniaun ne’ebé Ajensia TIC hala’o ne’e atu envolve fali membru KTE sira ne’ebé envolve iha prosesu programa Identidade Úniku, Komisaun Eventual ne’e kompostu hosi Ministériu relevante sira komesa kedan iha 2020 ho nia papél importante ida hodi prepara planu estratejiku ida ba implementasaun programa Identidade Úniku”, dehan Diretór.

Iha biban ida ne’e Diretor Ezekutivu ne’e mós informa katak, planu estratejiku ba implementasaun programa UID ne’e submete ne’e iha tinan kotuk iha 2021, komisaun teknikal eventual ninia papél importante hotu ona bainhira submete ona dokumentu planu stratejiku ba iha konsellu ministru hodi hetan aprovasaun no konsellu ministru aprova ona planu stratejiku refere.

Iha prosesu transitoriu hodi hari Ajénsia ne’ebé sei toma konta ba implementasaun Programa indentidade úniku iha dokumentu ne’e husu fali atu kontinua mandatu komisaun teknikal eventual bainhira iha prosesu ba forma Ajénsia ba IUD nian, konsellu ministru hasai fali rezolusaun ida, iha laran ne’e mós husu ba konsellu ministru atu kontinua fali mandatu komisaun teknikal eventual.

Lider Masímu Ajénsia TIC ne’e mós lahaluha hato’o apresiasaun ba Membru Komisaun Teknikal Eventual nomos parseiru sira hotu ne’ebé durante ne’e servisu makas no apoíu iha prosesu hahu to’o ohin loron.

“Progresu servisu barak mak ita atinje ona, mesmu foin hahu maibé hakarak hato’o agradese komisaun teknikal eventual (KTE), parseiru sira hotu ne’ebé servisu la hatene oras, nunka sura kolen ohin loron ita bele hahu ona prosesu aprovivionamentu ba programa ida ne’e, ita bele atinje programa identifikadór úniku ida ne’e bainhira ita servisu no servisu hamutuk hanesan ekipa hodi fahe todan ba malu neneik iha prosesu ne’ebé ita aprende hamutuk fiar katak ho konfiansa tomak ita bele implementa projetu ida ne’e ho susesu hodi bele resolve identidade falsu ka fraude no identidade dupla, hodi hafasil servisu administrasaun Governu nian ba iha future”esklarese Diretór.

Iha fatin hanesan, Diretór Diresaun Úniku ID Florindo Guterres da Costa mós aprezeta kona-ba progresu servisu Diresaun Identidade Úniku ID, Koordenadór Komunikasaun Miqueias da Conceição halo aprezentasaun kona-ba Stratejia komunikasaun no Atualizasaun Atividade Komisaun ho Feedback hosi Sosializasaun iha Munisipíu, Asesor Gabinete reforma Administrativa Prezidensial Konsellu Ministru (PCM) Fausto Gama halo aprezentasaun kona-ba tanba sa programa indentidade úniku sai importante los hanesan baze ba implementasaun Governu Eletroníku iha teritoriu tomak.

Liña ministerial ne’ebé involve iha membru komisaun teknikal eventual (KTE) mak hanesan Ministériu Prezidensial Konsellu Ministru (PCM )Ministériu Saúde (MS) Ministériu Solidariedade Sosiál no Inkluzaun (MSI), Ministériu Edukasaun Juventude no Desportu (MEDJ),Ministériu Interior (MI), Ministériu Justisa (MJ), Komisaun Funsaun Públika (KFP), Ministériu Finansas (MF), Ministériu Estatál (MAE) inklui TIC TIMOR.

Editór Textu: Amito Qonusere Araújo

relavante