banner 728x90

El-Matador hetan ona konvite sei joga iha rai-liur

banner 120x600
23 Views

G-NEWS (DILI) – Klubu El-Matador Timor Leste hetan ona konvite hosi klubu Boxista sira hosi nasaun tolu iha Azia, atu partisipa eventu internasionál ne’ebé sei realiza iha tinan ne’e.

 Prezidente Klubu El-Matador Timor Leste Abilio Orlando dos Santos, esplika ba G-News, Kuarta-Feira (03012023) katak, ho konvite ne’ebé klubu ne’e hetan, ekipa sira halo ona preparasaun másimu hanesan treinu no seluk-tán. 

banner 325x300

Tinan ida nee El-Matador boxing klubu nia programa mak kontinua fo treinu ba boxista sira. Prepara sira ba eventu nasionál no mós internasionál”, Prezidente Klubu, hanesan mós treinador ne’e esplika ba G-News.

“Sim iha ona konvite ba eventu international nebe mak ita nia boxista sira sei partisipa no sei hasae bandeira RDTL. El matador boxing club iha ona konvite tolu atu tuir eventu internasional iha tinan ida ne’e hosi Tailandia, Malazia no Indonézia, no nasaun Filipina sei iha tentativa nia laran”, nia kontinua tán.

Alende ne’e, El-Matador mós sei organiza eventu nasionál, ne’ebé sei konvida mós boxista sira hosi nasaun viziñu hodi partisipa atividade El-Matador Fight Nigth.

“Depois ho El-Matador fight night iha fulan Outubru. Ne’ebé ita sei organija eventu boot, sei konvida Boxista hosi Denpasar-Bali, Kupaun Indonézia, no Malazia”, Abilio ko’alia sai programa klubu nian.

Maske ne’e, Difikuldade mak klubu El-Matador boxing Club enfrenta mak la iha fundus, no dependente de’it ba sponsor ka patrisionador sira.

Tuir órariu, boxista klubu El-Matador sei partisipa jogu internasional mak hanesan, iha fulan Abril sei partisipa iha Indonézia, Malaizia sei akontese iha fulan Agustu, Tailandia sei iha akontese iha fulan rohan nian hosi tinan 2024.

Jornalista            : Ekipa G-News

Editór Testu         : Amito Qonusere Araújo

relavante