banner 728x90

Eleisaun to’o ona tuku-2 kalan “eleitór na’n 500 resin la vota”

Imajen: Komunidade sira sei kontinua forma atu ezerse sira nia direitu votu ba segunda volta, iha tuku-kalan Domingu (29102023)
banner 120x600
20 Views

G-NEWS (ATABAE) – Komunidade iha sentru Votasaun Tasi Metan, iha aldeia Tasi Mean, iha postu Atabae munisípiu Bobonaro, sei kontinua hala’o eleisaun ba segunda volta nian ba autoridade nível aldeia Tasi Mean nian, iha suku Aidabaleten postu Atabae munisípiu Bobonaro. Problema ne’e akontese tanba sistema atendimentu.

Komunidade ida ho inisial VT, ba G-News, sábadu (29102203) madrugada informa assuntu ne’e.

banner 325x300

 “Sim bele konfirma ho ekipa STAE, agora votu segundu ronde sei lao hela ba xefi aldeia tasi mean Atabae nian”,

Sistema atendementu mak lentu liu, ekipa hakerek buletin nain ida deit kleur, oinsa bele atende ema rihun 1 resin hanesan tasi metan maijumenus rihun ida atus lima (1.500)”, nia konta tuir.

Tuir informasaun ne’ebé G-News asesu, iha Domingu (29102023) madrugada katak, kuaje sidadaun na’in atus lima resin mak la ezerse sira nia direitu votu tanba kestaun tenpu.

Ema barak mak la vota kuaze na’in 500 resin tanba tempu labele ona atende”,

Tuir nia, eleisaun antes ne’ebé akontese lao di’ak oituan maibé diferente agora, no nia konsidera eleisaun agora ne’e at liu, tanba sidadaun sira vota to’o fali rai naroman.

“Fallansu ne’e akontese maihosi Ministériu kompetente, ne’e laos povu mak sala maibé sistema atendementu prosesu eleisaun mak falla”,

Ho kestaun sira ne’e, populasaun sira iha aldeia Tasi Mean Suku Aidabaleten hato’o ona informasaun ne’e ba autoridade relevante sira, kona-ba realidade iha terrenu ne’ebé povu hasoru situasaun.

Tuir informasaun, kontajen de votus ba segunda volta nian, bele akontese to’o rai-naroman

Jornalista       : Ekipa G-News

Editór Testu : Amito Qonusere Araújo

relavante