banner 728x90

Elimina Kalohan , Terus, Martinho Gusmão, kandidatu : Assanami no Adriano avansa bá konvensaun  internal PD

Assanami no Adriano // Foto : esploridu.
banner 120x600

G-RTV.com (Dili) : Besik ona Eleisaun Prezidensial (ELPR) 2022 ne’ebé sei realiza iha fulan balun tuir mai, Partidu Demokrátiku (PD), hamosu ona naran rua atu avansa bá iha konvensaun nasionál internál PD hodi indika ema ida entre na’in rua ne’e atu sai únika kandidatura PD hodi kompete iha ELPR 2022-2027.

Naran rua ne’e mosu bazeia bá rezultadu husi reuniaun Órgaun Konsellu Superior PD iha loron 6 no loron 7 fulan Janeiru 2022, hodi indika Assanami no Loro Mau atu kompete iha konvensaun Nasionál ne’e.

banner 325x300

‘’Kandidatu mak  Prezidente PD, Mariano Assanami Sabino no Prezidente Konsellu Polítiku Nasioná PD, Adriano do Nascimento ‘’ Loro Mau’’. Haktuir iha Komunikadu imprensa ne’ebé G-RTV.com assesu iha loron 10/01/2022.

Entretantu, antes ne’e, notísia ne’ebé G-RTV.com publika ona iha loron 13 fulan Jullu tinan 2021, katak kandidatu ne’ebé  sei avansa bá konvensaun nasionál internal partidu PD nian mak ‘’Prezidente PD, Mariano Assanami Sabino, Sekretáriu Jerál PD, António da Concecão ‘’KALOHAN’’, Prezidente CPN-PD,  Adriano do Nascimento ‘’LORO MAU,  Fundadór PD,Costâncio Pinto ‘’TERUS’’ no Martinho Gusmão,’’, klarifikasaun husi Adriano do Nascimento nu’udár  Prezidente Konsellu Polítiku Nasionál PD iha notísia refere.

Maibé, finalmente elimana na’in 3 no hamosu naran rua hodi avansa bá kompete iha konvensaun nasionál interna partidu ne’ebé sei hala’o iha loron 15 fulan ida ne’e, ho programa debate entre kandidatu rua ne’e atu aprezenta sira nia vizaun nu’udár prezidente repúblika bá partisipante sira.

Provizoriamente, kandidatu PR 2022-2027  ne’ebé deklara ona nia prontidaun bá partidu atu reprezenta partidu hodi kandidata-án sai ema númeru ida iha Timor Leste mak atuál Prezidente Partidu KHUNTO, Armanda Berta do Santos.

 

Jornaista : Arménio.

Editor : Ekipa G-RTV.com.

 

banner 325x300

relavante