banner 728x90

Ema deskoñesidu estraga portaun Igreja Katedral-Dili “Konsidera Terorista”

Foto: Fontes Sosial Mídia Facebook
banner 120x600

G-NEWS (DILI) – Iha Sábadu (02092023) kalan, ema deskoñesidu ho kareta, soke át portaun boot Igreja Katedral Diocese Dili. Tuir Observasaun G-NEWS, portaun boot parte liman loos hosi Diresaun rotunda ba Luz Vermelha Luz Verde (iha junta dalan tolu ninian ka pertigaan) ninian Diresaun Colmera hetan estragus total.

Portaun ho odamata besi rua ne’e, parte loos sai tiha tanba hetan estragus, no sarani sira rai didiak hodi sadere de’it.

banner 325x300

Iha Domingu (03092023), Sarani ida informa, sente triste haree akontesimentu ne’e, tanba ema desksoñesidu ho kareta ka lanu mak estraga portaun Igreja Katedral, konsidera hanesan ema terorista ne’ebé deskonfia atu sobu Igreja nia sasan sira.

“Ita haree ne’e ita triste. Nu’udar ema katóliku ida, sente triste tebes. Ó atu iha kareta mak soke át, ka ó lanu mak estraga, Ha’u konsidera ema ne’e la iha neon, bele dehan ne’e hanesan terorista ida, hakarak atu estraga Igreja Katólika Timor”, Nia haktuir.

Iha fatin hanesan, sarani ida Elizinha Maria Gomes sente triste ho situasaun ne’e. Nia hateten, di’ak liu autór ne’ebé estraga tiha odamatan Igreja Katedral Dili nian, tenke husu deskulpa ba Bispu no Padre sira, nune’e bele hetan perdaun.

“Se sente sala ona, mai hasoru Bispu no Padre sira atu bele rezolve. Husu deskulpa, se lae ó sei simu ninia konsekuênsia todan iha loron ikus. Ne’e laos ai-manas ne’ebé ó sente kedan agora”, Nia ko’alia ho triste.

To’o informasaun ne’e fó sai, G-News seidauk halo entrevista ho Padre Pároku.

Jornalista       : Ekipa G-News

Editór Testu : Amito Qonusere Araújo

relavante