banner 728x90

Ema Deskoñesidu So’e Bebe ( Labarik ) Iha Loron Sexta-Feira Santa.

Mota-ibun ne'ebe ema so'e bebe // Foto : Armenio //02.04.2021//
banner 120x600
22 Views

G-RTV News ( 02/04/2021) :  Loron Sexta-Feira ohin ( 02/04/) nu’udár loron ne’ebé Sarani Katólika iha Mundu selebra ho reflesaun ba Na’in Jesus Kristu nia mate, maibé akontesimentu pániku iha loron Santa ne’e mosu iha Bairro Has-Laran, Aldeia Fomentu 3, Suku Komoro, Muniípiu Dili.

Iha akontesimentu pániku ne’e tamba ema deskoñesidu so’e Bebe ( Labarik ) iha Mota laran no hetan husi komunidade sira ne’ebé besik iha mota-ibun.

banner 325x300

Tuir Sasin katak :

‘’ Akontesimentu ne’e ohin dader tuku 7 ÓTL, bainhira ami ba haré bee, iha fatin ne’e, ami na’in 4, balun fase motor,  ha’u nia kolega ida mak hasé mota ne’e tamba foin lalais ha’u rasik mak hamoos, maibé tamba foer fali, kolega ne’e haruka ami rua tun ba hamoos’’ haktuir Sasin Isabel Soares iha fatin akontesimentu (02/04).

Hafoin tun ba hamos, sasin ho nia maluk feto ida, foin mak atu raut foer, derrepente hetan plástiku ida no  iha laran lipa ne’ebé falun ho bebe matebian ne’e.

’ Ami rua foin mak tun ba, no raut fo’er, derrepente hetan plástiku ida, iha nia laran, lipa ida no ha’u nia kolega ne’e  husu ha’u, saida mak ne’e?, nune’e, bainhira ami sukit, lakleur lipa ne’e nakloke-an, no haré ba deskonfia hanesan Bebe ( Labarik) ida mak iha laran, los duni bebe ida mak iha laran no bebe ne’e, dalaruma iha nia Inan nia kabun laran foin mak fulan 3 atu ba 4 no deskonfia so’e ohin dader’’. Haktuir sasin refere.

Ho trauma ne’ebé iha,  Sasin ho nia maluk sira ne’ebé iha akontesimentu ne’e, foti desijaun ba hakoi bebe ne’e besik iha fatin akontesimentu hodi hein prossesu investigasaun husi autoriedade :

‘’ Ami la hanoin kona ona oinsa atu informa ba autoriedade, tamba trauma, entaun ami foti desijaun, hodi hakoi atu evita karik animál ruma mai han bebe’’ haktuir fontes ne’e.

Tuir observasaun G-RTV.COM iha fatin akontesimentu, komunidade ne’ebé hela besik, ho pániku sira ba haré maske iha hela situasaun pandemia Covid-19 nia laran no parte PNTL dada ona linha polísia hodi hein prossesu investigasaun.

To’o notisia ne’e hatun, Parte Forensik husi PNTL seidauk to’o Iha fatin hodi halo konfirmasaun.

Jornalista : Arménio

 

relavante